Breaking NewsUncategorized
ഇന്ത്യന് എംബസി ഓപണ് ഹൗസ് നവംബര് 30 ന്
അമാനുല്ല വടക്കാങ്ങര
ദോഹ. ഖത്തറിലെ ഇന്ത്യക്കാരുടെ പ്രശ്നങ്ങള് കേള്ക്കുന്നതിനും സാധ്യമായ പരിഹാര നടപടികള് നിര്ദേശിക്കുന്നതിനുമായി മാസം തോറും നടക്കാറുള്ള ഇന്ത്യന് എംബസി ഓപണ് ഹൗസ് ഈ മാസം 30 ന് വ്യാഴാഴ്ച നടക്കും. കഴിഞ്ഞ മാസം ഓപണ് ഹൗസ് നടന്നിരുന്നില്ല. ഇന്ത്യന് അംബാസിഡര് വിപുല് ഓപണ് ഹൗസിന് നേതൃത്വം നല്കും. ഉച്ചയ്ക്ക് ശേഷം 2 മണി മുതല് 3 മണി വരെ രജിസ്ട്രേഷനായിരിക്കും. 3 മണി മുതല് 5 മണി വരെ എംബസിയില് നേരിട്ട് ഹാജരായി ഓപണ് ഹൗസില് പങ്കെടുക്കാം. കൂടുതല് വിവരങ്ങള്ക്ക് 55097295 എന്ന നമ്പറില് ബന്ധപ്പെടാം. ഓപണ് ഹൗസില് പങ്കെടുക്കാന് താല്പര്യപ്പെടുന്നവര് [email protected] എന്ന ഇമെയിലിലേക്ക് അപേക്ഷകള് അയക്കുകയും ചെയ്യാം.
