ഇന്ത്യന് എംബസി സ്പെഷ്യല് കോണ്സുലാര് ക്യാമ്പ് ജൂലൈ 5 ന് അല് ഷമാലില്
അമാനുല്ല വടക്കാങ്ങര
ദോഹ : ഇന്ത്യന് എംബസി ഐസിബിഎഫുമായി സഹകരിച്ച് സംഘടിപ്പിക്കുന്ന സ്പെഷ്യല് കോണ്സുലാര് ക്യാമ്പ് 2024 ജൂലൈ 5 വെള്ളിയാഴ്ച അല് ഷമാല് സ്പോര്ട്സ് ക്ളബ്ബില് നടക്കും.
പാസ്പോര്ട്ട് പുതുക്കല്, അറ്റസ്റ്റേഷന് മറ്റ് എംബസ്സി സേവനങ്ങള് എന്നിവയ്ക്ക് സൗകര്യമുണ്ടാകും. അല് ഷമാലിലും സമീപ പ്രദേശങ്ങളിലും താമസിക്കുന്ന ഇന്ത്യക്കാര്ക്ക് ദോഹയില് വരാനും ഇന്ത്യന് എംബസി കോണ്സുലാര് സേവനങ്ങള് പ്രയോജനപ്പെടുത്തുന്നതിനുമുള്ള പ്രയാസം പരിഗണിച്ചാണ് അല് ഷമാലില്
കോണ്സുലാര് ക്യാമ്പൊരുക്കുന്നത്.
വെള്ളിയാഴ്ച രാവിലെ 9 മണി മുതല് 11 വരെയാണ് ക്യാമ്പെങ്കിലും രാവിലെ 8 മണി മുതല് തന്നെ ഓണ് ലൈനില് അപേക്ഷ പൂരിപ്പിക്കുന്നതിനുള്ള സഹായം ലഭ്യമായിരിക്കുമെന്നും സേവനം ആവശ്യമുള്ളവര് ആവശ്യമായ രേഖകളുടെ പകര്പ്പുകള് കൊണ്ടുവരണമെന്നും ഐസിബിഎഫ് വാര്ത്താക്കുറിപ്പില് അറിയിച്ചു.
ഐസിബിഎഫ് ഇന്ഷ്യൂറന്സ് ഡെസ്കും ക്യാമ്പില് പ്രവര്ത്തിക്കും.
തൊഴിലാളികളുടെ പ്രശ്നങ്ങള് അധികൃതരുടെ ശ്രദ്ധയില് കൊണ്ടുവരുന്നതിനും സൗകര്യമുണ്ടാകും. കൂടുതല് വിവരങ്ങള്ക്ക് 70462114, 66100744 എന്നീ നമ്പറുകളില് ബന്ധപ്പെടാം.
പുതുക്കിയ പാസ്പോര്ട്ടുകള് ഇതേ സ്ഥലത്ത് ജൂലൈ 19 ന് രാവിലെ 9 മണി മുതല് 10മണി വരെ വിതരണം ചെയ്യും.
