ഖിയ ചാംപ്യന്സ് ലീഗ്: സിറ്റി എക്സ്ചേഞ്ച് , ഗ്രാന്ഡ് മാള് ഫൈനല്
ദോഹ: ഖിയ ചാംപ്യന്സ് ലീഗിലെ അത്യന്തം വാശിയേറിയ ആദ്യ സെമി ഫൈനലില്, സിറ്റി എക്സ്ചേഞ്ച് എഫ്സി, കടുത്ത സമ്മര്ദ്ദത്തേയും ഉരുക്കന് പ്രതിരോധത്തേയും മറികടന്ന് ഫ്രൈഡേ ഫിഫ മഞ്ചേരി എഫ്സിയെ 1-0 എന്ന സ്കോറില് പരാജയപ്പെടുത്തി ഫൈനലിലേക്ക് യോഗ്യത നേടി. സ്ട്രൈക്കര് ഷിജിനാണു വിജയ ഗോള് കരസ്ഥമാക്കിയത്, എന്നാല് പിന്നാലെ അദ്ദേഹം റെഡ് കാര്ഡ് നേടി പുറത്തായി കളിയുടെ തീവ്രത ഇതുവഴി കൂടുതല് ഉയര്ന്നു.
സിറ്റിയുടെ ഗോള് കീപ്പര് ഷാഹിന് നിര്ണായകമായ സെവുകള് ചെയ്തതിലൂടെ മാന് ഓഫ് ദ മാച്ച് അംഗീകാരം സ്വന്തമാക്കി.
രണ്ടാമത്തെ സെമി ഫൈനലില് ഗ്രാന്ഡ് മാള് എഫ്സി, ഫാന്4എവര് എഫ്സിയെ 3-2 എന്ന സ്കോറില് തോല്പ്പിച്ചു. ആദ്യത്തെ ഗോള് വഴങ്ങി പിന്നിലായിട്ടും, ശക്തമായ തിരിച്ചുവരവ് നടത്തിയ ഗ്രാന്ഡ് മാള്, മൂന്നു എണ്ണം പറഞ്ഞ ഗോളുകളിലൂടെ കന്നി ഫൈനല് പ്രവേശം സ്വന്തമാക്കി.
മധ്യനിരയിലെ ക്യാപ്റ്റന് മുഹമ്മദ് റിഷാദ് മത്സരത്തിന്റെ റിതം കയ്യിലെടുത്ത് തിളക്കമുള്ള പ്രകടനം കാഴ്ചവെച്ചു. തന്റേതായ തന്ത്രവും കൃത്യമായ പാസ്സുകളും കൊണ്ട് കളം നിറഞ്ഞ അദ്ദേഹം മാന് ഓഫ് മാച്ച് പട്ടം കരസ്ഥമാക്കി.
ഒരു സൂപ്പര് ഹിറ്റ് ഫൈനല് പോരാട്ടം അടുത്ത വെള്ളിയാഴ്ച 7 മണിക്ക് ദോഹ സ്റ്റേഡിയത്തില് ആണ്.
