Breaking NewsUncategorized
അഡല്‍റ്റ് എമര്‍ജന്‍സി കെയര്‍ സേവനങ്ങള്‍ ഇപ്പോള്‍ 11 പിഎച്ച്‌സിസി ഹെല്‍ത്ത് സെന്ററുകളില്‍ ലഭ്യം
അമാനുല്ല വടക്കാങ്ങര
ദോഹ: ഖത്തറില്‍ അഡല്‍റ്റ് എമര്‍ജന്‍സി കെയര്‍ സേവനങ്ങള്‍ ഇപ്പോള്‍ 11 പിഎച്ച്‌സിസി ഹെല്‍ത്ത് സെന്ററുകളില്‍ ലഭ്യമാണെന്ന് ഓപ്പറേഷന്‍സ് എക്സിക്യൂട്ടീവ് ഡയറക്ടര്‍ ഡോ.സംയ അബ്ദുള്ള വ്യക്തമാക്കി. പ്രൈമറി ഹെല്‍ത്ത് കെയര്‍ കോര്‍പ്പറേഷന്‍ ഈയിടെ അല്‍ കരാന ഹെല്‍ത്ത് സെന്ററില്‍ അടിയന്തര പരിചരണ ക്ലിനിക്ക് ആരംഭിച്ചതായി അറിയിച്ചു. ഈ വിപുലീകരണം സമൂഹത്തിന് ആക്‌സസ് ചെയ്യാവുന്നതും ഉയര്‍ന്ന നിലവാരമുള്ളതുമായ ആരോഗ്യ പരിരക്ഷാ സേവനങ്ങള്‍ നല്‍കുന്നതിനുള്ള പ്രതിബദ്ധതയുടെ ഒരു സുപ്രധാന ചുവടുവെപ്പാണ്.
ഇതോടെ അഡല്‍റ്റ് എമര്‍ജന്‍സി കെയര്‍ സേവനങ്ങള്‍ ഇപ്പോള്‍ 11 ഹെല്‍ത്ത് സെന്ററുകളില്‍ പ്രവര്‍ത്തനക്ഷമമാണ്, ഇതില്‍ 5 സെന്ററുകള്‍ മുതിര്‍ന്നവര്‍ക്കും കുട്ടികള്‍ക്കും അടിയന്തിര പരിചരണ സേവനങ്ങള്‍ വാഗ്ദാനം ചെയ്യുന്നു.
