Uncategorized
ഖത്തര്‍ യുഎഇ പോരാട്ടം ഇന്ന്
ദോഹ. 2026 ഫിഫ ലോകകപ്പ് യോഗ്യതാ മത്സരത്തില്‍ ഖത്തര്‍ യുഎഇ പോരാട്ടം ഇന്ന് . അബുദാബിയിലെ അല്‍ നയ്ഹാന്‍ സ്റ്റേഡിയത്തിലാണ് മല്‍സരം.
‘മൂന്ന് പോയിന്റ് നേടുകയും ഞങ്ങളില്‍ നിന്ന് പ്രതീക്ഷിക്കുന്ന ഉയര്‍ന്ന നിലവാരം പുലര്‍ത്തുകയും ചെയ്യുക എന്നതാണ് ഞങ്ങളുടെ ലക്ഷ്യം. ഫുട്‌ബോളില്‍ നിലവില്‍ കാണുന്ന വെല്ലുവിളികളാണ് കായികരംഗത്തെ ആവേശഭരിതമാക്കുന്നത്. കളിക്കാരെന്ന നിലയില്‍ ഞങ്ങള്‍ ഇത്തരത്തിലുള്ള മത്സരങ്ങള്‍ ആസ്വദിക്കുന്നു. ഞങ്ങള്‍ ഞങ്ങളുടെ ആരാധകരുടെ പിന്തുണയ്ക്ക് നന്ദിയുണ്ട്, നാളെ അവരുടെ പിന്തുണ പ്രതീക്ഷിക്കുന്നു എന്ന് ഇന്നലെ അബുദാബിയില്‍ നടത്തിയ വാര്‍ത്താസമ്മേളനത്തില്‍ ഖത്തറിന്റെ അക്രം അഫീഫ് പറഞ്ഞു.
