നാപ്‌സ് ഖത്തര്‍ നിര്‍മ്മിച്ച ബസ് കാത്തിരിപ്പ് കേന്ദ്രം ഉദ്ഘാടനം ചെയ്തു
നന്മണ്ട ഏരിയയില്‍ ഉള്ള ഖത്തര്‍ പ്രവാസികളുടെ കൂട്ടായ്മ ആയ നാപ്‌സ് ഖത്തര്‍ പഞ്ചവത്സരം പൂര്‍ത്തിയാക്കിയതിന്റെ ഓര്‍മ്മക്ക് വേണ്ടി നന്മണ്ട നരികുനി റോഡില്‍ ഹോമിയോ ക്ലിനിക്കിന് അടുത്ത് നിര്‍മ്മിച്ച ബസ് കാത്തിരിപ്പ് കേന്ദ്രത്തിന്റെ ഉദ്ഘാടനം സംസ്ഥാന ഗതാഗത വകുപ്പ് മന്ത്രി ഏ കെ ശശീന്ദ്രന്‍ നിര്‍വഹിച്ചു. നന്മണ്ട ഗ്രാമപഞ്ചായത്ത് പ്രസിഡന്റ് കൃഷ്ണ വേണി മണിക്കോത്ത് നാപ്‌സ് ബ്രോഷര്‍ പ്രകാശനം നിര്‍വഹിച്ചു വാര്‍ഡ് മെമ്പര്‍മാരായ നിത്യകല വി പി, ബിജിഷ സി പി, ഉണ്ണികുളം പഞ്ചായത്ത് വാര്‍ഡ് മെമ്പര്‍ മലയില്‍ ശ്രീധരന്‍, നാസര്‍ മാസ്റ്റര്‍ പി, ഡോ. ദീപ രവിവര്‍മ്മ, നോര്‍ക്ക റിട്ടയേര്‍ഡ് അംഗം രാധാകൃഷ്ണന്‍ എന്നിവര്‍ ആശംസകള്‍ നേര്‍ന്നു. വിവിധ പാര്‍ട്ടി പ്രതിനിധികളായ അനില്‍ കുമാര്‍ (സി പി ഐ എം,) അരവിന്ദ് മുടത്യേലത്തു (ഐ എന്‍ സി), ദേവദാസ് (ബിജെപി), സി കെ ദേവദാസ് (എന്‍ സി പി) എന്നിവര്‍ ചടങ്ങില്‍ സംബന്ധിച്ചു. നരിക്കുനി അത്താണിക്ക് വേണ്ടി നാപ്‌സ് നല്‍കുന്ന ധനസഹായം മന്ത്രിയില്‍ നിന്നും അത്താണിയുടെ പ്രതിനിധി മുനീര്‍ മാസ്റ്റര്‍ ഏറ്റുവാങ്ങി. നാട്ടിലും ഖത്തറിലുമായി നിരവധി സാമൂഹ്യ ക്ഷേമ പ്രവത്തനങ്ങള്‍ നടത്തി വരുന്ന ചാരിറ്റി സംഘടന ആണ് നാപ്‌സ് ഖത്തര്‍ ചടങ്ങില്‍ നാപ്‌സ് ചെയര്‍മാന്‍ ജാഫര്‍ കെ പി അധ്യക്ഷം വഹിച്ചു ട്രഷര്‍ മെജേഷ് സ്വാഗതം പറഞ്ഞു മുനീര്‍ കെ കെ റിപ്പോര്‍ട്ട് അവതരിപ്പിച്ചു നൗഫല്‍ തണല്‍ നന്ദി പറഞ്ഞു.