ഡോ. അമാനുല്ല വടക്കാങ്ങര

ദോഹ. ഖത്തറിലെ ഇന്ത്യന്‍ എംബസിക്ക് കീഴില്‍ പ്രവര്‍ത്തിക്കുന്ന ഇന്ത്യന്‍ സ്‌പോര്‍ട്‌സ് സെന്റര്‍ ഉപദേശക സമിതി ചെയര്‍മാനായി കെ. മുഹമ്മദ് ഈസ തെരഞ്ഞെടുക്കപ്പെട്ടു. കഴിഞ്ഞ നാലു പതിറ്റാണ്ടോളമായി ഖത്തറിലെ സാമൂഹ്യ സാംസ്‌കാരിക കായിക രംഗങ്ങളിലെ സജീവ സാന്നിധ്യമായ കെ. മുഹമ്മദ് ഈസക്ക് അര്‍ഹതക്കുള്ള അംഗീകാരമാണിത്.

മികച്ച സംഘാടകനും ജീവകാരുണ്യ പ്രവര്‍ത്തകനുമായ അദ്ദേഹം ഖിഫ് പ്രസിഡണ്ട് എന്ന നിലയിലും ശ്‌ളാഘനീയമായ പ്രവര്‍ത്തനങ്ങളാണ് കാഴ്ചവെച്ചത്.

ഡോ. മോഹന്‍ തോമസ് പ്രസിഡണ്ടായ ഇന്ത്യന്‍ സ്‌പോര്‍ട്‌സ് സെന്റര്‍ ഉപദേശക സമിതി ചെയര്‍മാനായി കെ. മുഹമ്മദ് ഈസ എത്തുമ്പോള്‍ ഇന്ത്യന്‍ സമൂഹത്തിന്റെ പ്രതീക്ഷയേറുകയാണ്.