Uncategorized

കേന്ദ്ര ബജറ്റ് സാമ്പത്തിക അസമത്വം വര്‍ധിപ്പിക്കുന്നത് ഐഎംസിസി

ഡോ. അമാനുല്ല വടക്കാങ്ങര

ദോഹ. കോര്‍പ്പറേറ്റുകള്‍ എഴുതിനല്‍കുന്നത് അതേപടി വായിക്കുന്നതിന് തുല്യമാവുകയാണ് കേന്ദ്ര സര്‍ക്കാരിന്റെ ഓരോ ബജറ്റുകളെന്നും പുതിയ ബജറ്റും രാജ്യത്ത് സാധാരണക്കാരനും അതിസമ്പന്നരുമെന്ന തരത്തില്‍ സാമ്പത്തിക അസമത്വം വീണ്ടും വര്‍ധിപ്പിക്കുന്നതുമാണെന്നും ഐഎംസിസി ജിസിസി കമ്മറ്റി വിലയിരുത്തി.

പ്രധാന വരുമാന മാര്‍ഗ്ഗമായി കേന്ദ്രം കാണുന്നത് പൊതുമേഖലാ സ്ഥാപനങ്ങളുടേയും അവയുടെ ഭൂസ്വത്തുക്കളുടെയും ദേശീയ പൈതൃക സ്വത്തുക്കളുടെയും വില്‍പ്പനയാണെന്നത് അത്യന്തം ലജ്ജാകരമാണ്. സാമ്പത്തിക പ്രതിസന്ധിയുടെയും കോവിഡ് മഹാമാരിയുടെയും സമയത്ത് ആശ്വാസമേകേണ്ടതിന് പകരം സാധാരണക്കാരും കര്‍ഷകരും ഉള്‍പ്പടെയുള്ള മഹാഭൂരിപക്ഷം ജനങ്ങളെയും പരിഗണിക്കാതെ,അതിസമ്പന്നരായ കോപ്പറേറ്റുകള്‍ക്ക് ജനതയെ ഒറ്റിക്കൊടുക്കുന്ന തരത്തിലുള്ളതാണ് ഈ ബജറ്റ്.

പെട്രോളിയം ഉല്‍പ്പന്നങ്ങളുടെ ടാക്‌സ് വര്‍ദ്ധനവിലൂടെ പൊതുജനത്തിന് മേല്‍ അധിക ബാധ്യത അടിച്ചേല്‍പ്പിക്കുമ്പോള്‍ തന്നെ,കോര്‍പറേറ്റ്,ഇന്‍കം ടാക്‌സുകളിലൂടെയുള്ള വരുമാനം മുന്‍വര്‍ഷത്തിനേക്കാള്‍16ശതമാനം കുറവാണെന്നത് കേന്ദ്ര സര്‍ക്കാരിന്റെ കെടുകാര്യസ്ഥതയാണ് സൂചിപ്പിക്കുന്നത്. പ്രാവാസികളെ സംബന്ധിച്ച് യാതൊരുവിധ നിലപാടോ പദ്ധതികളോ ഇല്ലാത്തതും തീര്‍ത്തും നിരാശാജനകമാണെന്നും ഐഎംസിസി ജിസിസി കമ്മറ്റി ചെയര്‍മാന്‍ സത്താര്‍ കുന്നില്‍,ഭാരവാഹികളായ ഖാന്‍ പാറയില്‍, റഫീഖ് അഴിയൂര്‍, സുബൈര്‍ ചെറുമോത്ത്, റഷീദ് ഇകെകെ, അക്‌സര്‍ മുഹമ്മദ് എന്നിവര്‍ പറഞ്ഞു.

Related Articles

662 Comments

Leave a Reply

Your email address will not be published. Required fields are marked *

Back to top button
error: Content is protected !!