വകറയിലെ ഡ്രൈവ് ത്രൂ വാക്സിനേഷന്‍ സെന്റര്‍ സന്ദര്‍ശിച്ച് പൊതുജനാരോഗ്യ മന്ത്രി
ഡോ. അമാനുല്ല വടക്കാങ്ങര
ദോഹ. വകറയിലെ ഡ്രൈവ് ത്രൂ വാക്സിനേഷന്‍ സെന്റര്‍ തുടങ്ങിയ ദിവസം തന്നെ സന്ദര്‍ശിക്കുവാന്‍ സാധിച്ചതില്‍ സന്തോഷമുണ്ടെന്ന് പൊതുജനാരോഗ്യ മന്ത്രി ഡോ. ഹനാന്‍ മുഹമ്മദ് അല്‍ കുവാരി. വകറയിലും സമീപ പ്രദേശങ്ങളിലും താമസിക്കുന്നവര്‍ക്ക് ഏറെ സൗകര്യപ്രദമാകും ഈ ഡ്രൈവ് ത്രൂ വാക്സിനേഷന്‍ സെന്റര്‍.
രാജ്യത്തെ മുഴുവനാളുകള്‍ക്കും എത്രയും വേഗം വാക്സിന്‍ ലഭ്യമാക്കുക എന്ന പദ്ധതിയുമായാണ് മന്ത്രാലയം മുന്നോട്ടുപോകുന്നത്.
നമ്മുടെ ജനങ്ങളെ സുരക്ഷിതരാക്കുന്നതിനായി അഹോരാത്രം പണിപ്പെടുന്ന ആരോഗ്യ മേഖലയിലെ മുഴവനാളുകളേയും ആത്മാര്‍ഥമായി അഭിനന്ദിക്കുന്നതായും മന്ത്രി പറഞ്ഞു.