Breaking News
ഫിഫ അറബ് കപ്പ് യോഗ്യത മല്‍സരങ്ങള്‍ പരിഗണിച്ച് മെട്രോ സേവനങ്ങള്‍ രാത്രി 12.30 വരെ ദീര്‍ഘിപ്പിച്ചു
ഡോ. അമാനുല്ല വടക്കാങ്ങര
ദോഹ : ഖലീഫ അന്താരാഷ്ട്ര സ്റ്റേഡിയത്തിലും അല്‍ സദ്ദിലെ ജാസിം ബിന്‍ ഹമദ് സ്റ്റേഡിയത്തിലും നടക്കുന്ന ഫിഫ അറബ് കപ്പ് യോഗ്യത മല്‍സരങ്ങള്‍ പരിഗണിച്ച് മെട്രോ സേവനങ്ങള്‍ രാത്രി 12.30 വരെ ദീര്‍ഘിപ്പിച്ചതായി ഖത്തര്‍ റെയില്‍ അറിയിച്ചു.
ജൂണ്‍ 19 മുതല്‍ 25 വരെയാണിത്. കളി കാണാന്‍ വരുന്നവര്‍ മെട്രോ സേവനങ്ങള്‍ പ്രയോജനപ്പെടുത്തുന്നത് സംഘാടകര്‍ നേരത്തെ തന്നെ പ്രോല്‍സാഹിപ്പിച്ചിരുന്നു. മെട്രോ സ്റ്റേഷനുകളില്‍ നിന്നും നടക്കാവുന്ന ദൂരത്താണ് മല്‍സരം നടക്കുന്ന രണ്ട് സ്റ്റേഡിയങ്ങളും.
