ദോഹ – പൂനെ സര്‍വീസിനൊരുങ്ങി ഇന്‍ഡിഗോ

ഡോ. അമാനുല്ല വടക്കാങ്ങര

ദോഹ. ഇന്ത്യയുടെ ബഡ്ജറ്റ് എയര്‍ലൈനായ ഇന്‍ഡിഗോ ദോഹ – പൂനെ സര്‍വീസിനൊരുങ്ങുന്നതായി റിപ്പോര്‍ട്ട്. ദോഹയില്‍ നിന്നും പൂനെയിലേക്കുള്ള പ്രതിദിന സര്‍വീസ് ഒക്ടോബര്‍ 31 ന് ആരംഭിക്കുമെന്നറിയുന്നു.

നിത്യവും പുലര്‍ച്ചെ 1.55 ന് ദോഹയില്‍ നിന്നും പുറപ്പെടുന്ന വിമാനം രാവിലെ 7.45 ന് പൂനെയിലെത്തും. തിരിച്ച് രാത്രി 9.45 ന് പുറപ്പെട്ട് 11.20 ന് ദോഹയിലെത്തിച്ചേരുന്ന രീതിയിലാണ് സര്‍വീസ് ആസൂത്രണം ചെയ്തിരിക്കുന്നത്.

നിവലിലുള്ള ദില്ലി, മുംബൈ, ചെന്നൈ, ബാംഗ്ലൂര്‍, ഹൈദരാബാദ്, തിരുവന്തപുരം, ലക്‌നൗ, കോഴിക്കോട്, കൊച്ചി, കണ്ണൂര്‍ എന്നീ നഗരങ്ങള്‍ക്ക് പുറമെ എയര്‍ലൈന്‍ അടുത്തിടെ ദോഹയില്‍ നിന്ന് തിരുച്ചിറപ്പള്ളിയിലേക്ക് പ്രതിവാര സര്‍വീസ് ആരംഭിച്ചിരുന്നു.