Uncategorized
ഖത്തറില്‍ തക്കാളി വില കുതിക്കുന്നു, ഇന്ന് ഒരു കിലോ തക്കാളിക്ക് 8.5 റിയാല്‍
ഡോ. അമാനുല്ല വടക്കാങ്ങര
ദോഹ. ഖത്തറില്‍ തക്കാളി വില കുതിക്കുന്നതായി റിപ്പോര്‍ട്ട്. മാര്‍ക്കറ്റില്‍ തക്കാളിയുടെ വരവ് കുറഞ്ഞതാണ് വില കൂടാന്‍ കാരണമായി പറയുന്നത്.ഇന്ന് ഒരു കിലോ തക്കാളിക്ക് 8.5 റിയാലിനാണ് വില. സാധാരണ ഗതിയില്‍ 3- 4 റിയാല്‍ വില വരാറുള്ള തക്കാളിയാണിത്.
ഇന്ത്യയില്‍ തക്കാളിക്ക് വില കൂടിയതോടെ ഇന്ത്യന്‍ തക്കാളിയുടെ വരവ് കുറഞ്ഞിട്ടുണ്ട്. മുഖ്യമായും ഇറാനിയന്‍ തക്കാളികളാണ് ഇപ്പോള്‍ ഖത്തര്‍ മാര്‍ക്കറ്റിലുള്ളത്.
ഖത്തറിന്റെ തക്കാളി മാര്‍ക്കറ്റില്‍ എത്താന്‍ തുടങ്ങുന്നതോടെ വില ഗണ്യമായി കുറയുമെന്നാണ് കണക്കാക്കുന്നത്. അടുത്ത മാസം ആദ്യം മുതലെങ്കിലും ഖത്തറിന്റെ പച്ചക്കറികള്‍ മാര്‍ക്കറ്റില്‍ കൂടുതലായി എത്തിയേക്കും.
