Uncategorized
പ്രാദേശിക ഫാം ഉല്‍പ്പന്നങ്ങളുടെ വിന്റര്‍ സെയില്‍ വ്യാഴാഴ്ച ആരംഭിക്കും
അഫ്‌സല്‍ കിളയില്‍ : –
ദോഹ : ഖത്തറിലെ പ്രാദേശിക ഫാമുകളില്‍ നിന്നുള്ള ഉല്‍പ്പന്നങ്ങളുടെ വിന്റര്‍ സെയില്‍ വ്യാഴാഴ്ച ആരംഭിക്കും. വക്‌റ, അല്‍ ഖോര്‍ അല്‍ ദക്കീറ, ശമാല്‍, ശഹാനിയ എന്നിവിടങ്ങളിലുള്ള നാല് മാര്‍ക്കറ്റുകളിലായാണ് വിന്റര്‍ സെയില്‍ ആരംഭിക്കുക. വ്യാഴം, വെള്ളി, ശനി ദിവസങ്ങളില്‍ രാവിലെ 7 മണി മുതല്‍ ഉച്ച കഴിഞ്ഞ് മൂന്ന് മണി വരെ മാര്‍ക്കറ്റ് പ്രവര്‍ത്തിക്കും.
ഉംസലാല്‍ സെന്‍ട്രല്‍ മാര്‍ക്കറ്റിലെ അല്‍ മസ്‌റൂറ സ്‌ക്വയറിന്റെ പണി പുരോഗമിക്കുകയാണെന്നും നവംബര്‍ 18 മുതല്‍ അവിടെ വ്യാപാരം ആരംഭിക്കുമെന്നും അധികൃതര്‍ അറിയിച്ചു.
