Breaking News
കോവിഡ് ഭേദമായവര്‍ക്ക് പ്രത്യേക ഐക്കണുമായി ഇഹ്തിറാസ് ആപ്ലിക്കേഷന്‍
അമാനുല്ല വടക്കാങ്ങര
ദോഹ. ഖത്തറില്‍ കോവിഡ് ബാധിച്ച് ഭേദമായവര്‍ക്ക് പ്രത്യേകമായൊരു ഐക്കണുമായി ഇഹ്തിറാസ് ആപ്ലിക്കേഷന്‍ അപ്ഡേറ്റ് ചെയ്തു. ഇതനുസരിച്ച് 9 മാസത്തിനുള്ളില്‍ കോവിഡ് വന്ന് ഭേദമായവര്‍ക്ക് ഒരു പ്രത്യേക ഐക്കണ്‍ ഇഹ്തിറാസില്‍ പ്രത്യക്ഷപ്പെടും. വാക്സിനേഷന്‍ പൂര്‍ത്തീകരിച്ചവരുടെ എല്ലാ ആനുകൂല്യങ്ങളും ഈ കാലയളവില്‍ 9 മാസത്തിനകം കോവിഡ് ബാധിച്ച് ഭേദമായവര്‍ക്കും ലഭ്യമാണ്. രണ്ടാമത് വാക്സിന്‍ എടുത്ത് 9 മാസം കഴിയുന്നതോടുകൂടി വാക്സിന്‍ എടുത്തവരുടെ ഇഹ്തിറാസിലെ ഗോള്‍ഡന്‍ ഫ്രെയിം അപ്രത്യക്ഷമാകും. കോവിഡ് ബാധിച്ച് ഭേദമായവര്‍ക്കും 9 മാസത്തേക്കാണ് വാക്സിനെടുത്തവരുടെ അതേ ആനുകൂല്യങ്ങള്‍ ലഭ്യമാവുക.
