Breaking News
റമദാനില്‍ യാത്രക്കാര്‍ക്ക് ആകര്‍ഷകമായ ഓഫറുകളുമായി ഖത്തര്‍ എയര്‍വേയ്‌സ്
അമാനുല്ല വടക്കാങ്ങര
ദോഹ : റമദാനില്‍ യാത്രക്കാര്‍ക്ക് ആകര്‍ഷകമായ ഓഫറുകളുമായി ഖത്തര്‍ എയര്‍വേയ്‌സ് രംഗത്ത്. ഇന്നുമുതല്‍ ഏപ്രില്‍ 5 വരെ ബുക്ക് ചെയ്ത് സെപ്തംബര്‍ 30 വരെയുളള യാത്രകള്‍ക്ക് 20 ശതമാനം വരെ ഇളവ് ലഭിക്കും.
ടിക്കറ്റ് നിരക്കിലെ ഇളവ് തെരഞ്ഞെടുത്ത ഡെസ്റ്റിനേഷനുകളിലേക്കുള്ള ഫസ്റ്റ് ക്ലാസ്,ബിസിനസ് ക്ലാസ് യാത്രക്കാര്‍ക്കും ബാധകമാണ് . റമദാന്‍ കാലയളവില്‍ യാത്ര ചെയ്യുന്നവര്‍ക്ക് ഇരട്ടി ക്യു പോയിന്റുകളും ലഭിക്കും.
ഖത്തര്‍ എയര്‍വേയ്‌സ് സൈറ്റില്‍ നിന്നും ഓണ്‍ ലൈനായി ടിക്കറ്റെടുക്കുന്നവര്‍ക്കും ട്രാവല്‍ ഏജന്റുമാര്‍ മുഖേന ടിക്കറ്റ് വാങ്ങുന്നവര്‍ക്കും ആനുകൂല്യങ്ങള്‍ ലഭിക്കും. ഇത് സംബന്ധിച്ച് ഖത്തര്‍ എയര്‍വേയ്‌സ് ട്രാവല്‍ ഏജന്റുമാര്‍ക്ക് സര്‍ക്കുലര്‍ അയച്ചിട്ടുണ്ട്.
