ഖത്തര് സ്ട്രോംഗസ്റ്റ് മാന് ചാമ്പ്യന്ഷിപ്പിനൊരുങ്ങി ആസ്പയര് സോണ് ഫൗണ്ടേഷന്
അമാനുല്ല വടക്കാങ്ങര
ദോഹ: ഖത്തര് സ്ട്രോംഗസ്റ്റ് മാന് ചാമ്പ്യന്ഷിപ്പിന്റെ ഒമ്പതാം പതിപ്പ് മാര്ച്ച് 19 ന് ആസ്പയര് സോണ് പാര്ക്കില് നടക്കുമെന്ന് ആസ്പയര് സോണ് ഫൗണ്ടേഷന് അറിയിച്ചു.
സഹിഷ്ണുതയുടെയും വേഗതയുടെയും ഒരു പരമ്പരയിലൂടെ തങ്ങളുടെ കഴിവുകള് ജനങ്ങള്ക്ക് മുന്നില് അവതരിപ്പിക്കാനുള്ള അവസരമാണിത്.
കോനന്സ് വീല്, 180 കിലോഗ്രാം ഭാരവും വഹിച്ചുകൊണ്ട് മൂന്ന് മിനിറ്റ് ഒരു നിശ്ചിത അച്ചുതണ്ടില് കറങ്ങുക, ഭാരമേറിയ മണല്ച്ചാക്കുകള് കഴിയുന്നത്ര വേഗത്തില് ഉയര്ത്തുക, 6 ടണ് ഭാരമുള്ള ട്രക്ക് വലിക്കുക, ലോഡിംഗും വേരിയബിള് പുഷ്-അപ്പും എന്നിങ്ങനെ വ്യത്യസ്ത ബുദ്ധിമുട്ടുള്ള നിരവധി വെല്ലുവിളികള് മത്സരാര്ത്ഥികള് ഏറ്റെടുക്കും.
എല്ലാ വര്ഷവും ഈ സമയത്ത് കായികതാരങ്ങളും ആരാധകരും കാത്തിരിക്കുന്ന ഇവന്റുകളുടെ കലണ്ടറിലെ ഒരു ഐക്കണായി ഈ ടൂര്ണമെന്റിനെ മാറ്റുന്നതില് ആസ്പയര് സോണ് ഫൗണ്ടേഷന് വിജയിച്ചുവെന്നാണ് മല്സരത്തിനുള്ള പ്രതികരണങ്ങള് നല്കുന്ന സൂചന.
