ഇന്ത്യന്‍ എംബസി ഓപണ്‍ ഹൗസ് ജൂണ്‍ 24 ന്; നേരിട്ടും, ഫോണിലൂടെയും, സൂമിലൂടെയും പങ്കെടുക്കാനവസരം

ഡോ. അമാനുല്ല വടക്കാങ്ങര

ദോഹ : ഖത്തറിലെ ഇന്ത്യക്കാരുടെ പ്രശ്‌നങ്ങള്‍ കേള്‍ക്കുന്നതിനും സാധ്യമായ പരിഹാര നടപടികള്‍ നിര്‍ദേശിക്കുന്നതിനുമായി മാസം തോറും നടക്കാറുള്ള ഇന്ത്യന്‍ എംബസി ഓപണ്‍ ഹൗസ് ഈ മാസം 24 ന് വ്യാഴാഴ്ച നടക്കും.

എല്ലാ മാസവും അവസാനത്തെ വ്യാഴാഴ്ചയാണ് ഓപണ്‍ ഹൗസ് നടക്കാറുള്ളത്.

ഉച്ചയ്ക്ക് ശേഷം 3 മണി മുതല്‍ 5 മണി വരെയായിരിക്കും ഓപണ്‍ ഹൗസ് നടത്തുക. ഓപ്പണ്‍ ഹൗസില്‍ പങ്കെടുക്കാന്‍ താല്‍പര്യപ്പെടുന്നവര്‍ labour.doha@mea.gov.in എന്ന ഇ മെയിലിലേക്ക് അപേക്ഷകള്‍ അയക്കാവുന്നതാണെന്ന് എംബസി സോഷ്യല്‍ മീഡിയയിലൂടെ അറിയിച്ചു.

എംബസിയില്‍ നേരിട്ട് ഹാജരായും, 50411241 എന്ന ഫോണ്‍ നമ്പര്‍ വഴിയും, സൂം പ്ലാറ്റ് ഫോമിലൂടെയും (മീറ്റിംഗ് ഐ.ഡി 830 1392 4063, പാസ് കോഡ് 121600) ഓപണ്‍ ഹൗസില്‍ പങ്കെടുക്കാം.