പരിസ്ഥിതി സുസ്ഥിരത എന്ന പ്രമേയത്തില്‍ കത്താറ കള്‍ച്ചറല്‍ വില്ലേജ് ഫൗണ്ടേഷന്‍ വാര്‍ഷിക കത്താറ ചെറുകഥ മത്സരം പ്രഖ്യാപിച്ചു
അമാനുല്ല വടക്കാങ്ങര
ദോഹ. പരിസ്ഥിതി സുസ്ഥിരത എന്ന പ്രമേയത്തില്‍ കത്താറ കള്‍ച്ചറല്‍ വില്ലേജ് ഫൗണ്ടേഷന്‍ വാര്‍ഷിക കത്താറ ചെറുകഥ മത്സരം പ്രഖ്യാപിച്ചു. പ്രകൃതി വിഭവങ്ങളുടെ ശോഷണമോ തകര്‍ച്ചയോ ഒഴിവാക്കുന്നതിനും ദീര്‍ഘകാല പാരിസ്ഥിതിക ഗുണനിലവാരം നിലനിര്‍ത്തുന്നതിനും പാരിസ്ഥിതിക സുസ്ഥിരതയ്ക്ക് പ്രാധാന്യം നല്‍കുന്നതിനാണ് തീം തിരഞ്ഞെടുത്തതെന്ന് കത്താറ പറഞ്ഞു.
കഥ 1,500 വാക്കുകളില്‍ കുറയാത്തതും 5,000 വാക്കുകളില്‍ കവിയാത്തതുമാകണം. അറബി ഭാഷയിലായിരിക്കണം. മുമ്പ് ഏതെങ്കിലും തരത്തിലുള്ള മാധ്യമങ്ങളില്‍ പ്രസിദ്ധീകരിക്കപ്പെട്ടതോ പുരസ്‌കാരം നേടിയതോ ആകരുത്.
പങ്കെടുക്കുന്നവര്‍ക്ക് പ്രായപരിധിയില്ല. മത്സരാര്‍ത്ഥി ഒരു കഥ മാത്രമേ അയക്കാവൂ. പങ്കെടുക്കാന്‍ ആഗ്രഹിക്കുന്നവര്‍ മൈക്രോസോഫ്റ്റ് വേഡ് പ്രോഗ്രാമിലെ തങ്ങളുടെ കഥകള്‍ [email protected] എന്ന വിലാസത്തിലേക്ക് അയയ്ക്കണം.
അറ്റാച്ചുചെയ്ത ഫയലുകളില്‍ പങ്കെടുക്കുന്നയാളുടെ സമീപകാല കളര്‍ ഫോട്ടോയും പേര്, വിലാസം, ഫോണ്‍ നമ്പര്‍, ഇമെയില്‍ വിലാസം, തീയതി, ജനനസ്ഥലം എന്നിവയുള്‍പ്പെടെയുള്ള അവരുടെ പ്രൊഫൈലും ഉണ്ടായിരിക്കണം
