ഹമദ് ഇന്റര്‍നാഷണല്‍ എയര്‍പോര്‍ട്ടില്‍ പുതിയ ഹ്രസ്വകാല പാര്‍ക്കിംഗ് നിരക്കുകള്‍ പ്രാബല്യത്തില്‍
ദോഹ: ഹമദ് ഇന്റര്‍നാഷണല്‍ എയര്‍പോര്‍ട്ടില്‍ പുതിയ ഹ്രസ്വകാല പാര്‍ക്കിംഗ് നിരക്കുകള്‍ ഇന്നലെ മുതല്‍ പ്രാബല്യത്തില്‍ വന്നതായി അധികൃതര്‍ അറിയിച്ചു.
മണിക്കൂര്‍ നിരക്ക്: 15 റിയാല്‍ തോതിലായിരിക്കും. 8 മണിക്കൂര്‍ വരെയാണ് ഇത് ബാധകമാവുക.അതിന് ശേഷം പ്രതിദിന നിരക്ക് ബാധകമാകും. 145 റിയാലാണ് പ്രതിദിന നിരക്ക്.
പ്രീ-ബുക്കിംഗ് ഉപഭോക്താക്കള്‍ക്ക് പ്രതിവാര നിരക്കും ലഭ്യമാണെന്ന് ഹമദ് ഇന്റര്‍നാഷണല്‍ എയര്‍പോര്‍ട്ട് അറിയിച്ചു. 725 റിയാലാണ് പ്രതിവാര നിരക്ക്.
ഔദ്യോഗിക വിജ്ഞാപനത്തില്‍ പരാമര്‍ശിച്ചിട്ടില്ലെങ്കിലും ആദ്യ അരമണിക്കൂര്‍ വരെയുള്ള സൗജന്യം തുടരുമെന്നാണറിയുന്നത്.
