ഇന്ത്യന്‍ എംബസി ഓപണ്‍ ഹൗസ് ഇന്ന് മൂന്ന് മണി മുതല്‍

അമാനുല്ല വടക്കാങ്ങര

ദോഹ. ഖത്തറിലെ ഇന്ത്യക്കാരുടെ പ്രശ്‌നങ്ങള്‍ കേള്‍ക്കുന്നതിനും സാധ്യമായ പരിഹാര നടപടികള്‍ നിര്‍ദേശിക്കുന്നതിനുമായി മാസം തോറും നടക്കാറുള്ള ഇന്ത്യന്‍ എംബസി ഓപണ്‍ ഹൗസ് ഇന്ന് മൂന്ന് മണി മുതല്‍ നടക്കും.

ഇന്ത്യന്‍ അംബാസിഡറുടെ അഭാവത്തില്‍ എംബസി ചാര്‍ജ് ഡി അഫയേര്‍സ് ടി.അജ്ഞലീന പ്രേമലത ഓപണ്‍ ഹൗസിന് നേതൃത്വം നല്‍കും.

ഉച്ചയ്ക്ക് ശേഷം 3 മണി മുതല്‍ 4.30 വരെ എംബസിയില്‍ നേരിട്ട് ഹാജരായും 4.30 മുതല്‍ 6 മണിവരെ വെബെക്സിലും (മീറ്റിംഗ് ഐ.ഡി 23755252347 , പാസ് കോഡ് 112200 ) 55097295 എന്ന ഫോണ്‍ നബര്‍ വഴിയും ഓപണ്‍ ഹൗസില്‍ പങ്കെടുക്കാം.
ഓപ്പണ്‍ ഹൗസില്‍ പങ്കെടുക്കാന്‍ താല്‍പര്യപ്പെടുന്നവര്‍ [email protected] എന്ന ഇമെയിലിലേക്ക് അപേക്ഷകള്‍ അയക്കുകയും ചെയ്യാം.