ഖത്തര്‍ എയര്വേയ്സ് ഗ്രൂപ്പ് സിഇഒ എഞ്ചിനീയര്‍ ബദര്‍ മുഹമ്മദ് അല്‍ മീര്‍ ഇന്റര്‍നാഷണല്‍ എയര്‍ ട്രാന്‍സ്പോര്‍ട്ട് അസോസിയേഷന്റെ ബോര്‍ഡ് ഓഫ് ഗവര്‍ണേഴ്സിലേക്ക് തിരഞ്ഞെടുത്തു
ദോഹ: ഖത്തര്‍ എയര്വേയ്സ് ഗ്രൂപ്പ് സിഇഒ എഞ്ചിനീയര്‍ ബദര്‍ മുഹമ്മദ് അല്‍ മീര്‍ ഇന്റര്‍നാഷണല്‍ എയര്‍ ട്രാന്‍സ്പോര്‍ട്ട് അസോസിയേഷന്റെ ബോര്‍ഡ് ഓഫ് ഗവര്‍ണേഴ്സിലേക്ക് തിരഞ്ഞെടുത്തു.
ലോകത്തിലെ എയര്‍ലൈനുകളുടെ ട്രേഡ് അസോസിയേഷനാണ് ഇന്റര്‍നാഷണല്‍ എയര്‍ ട്രാന്‍സ്പോര്‍ട്ട് അസോസിയേഷന്‍ . ഇത് ഏകദേശം 320 എയര്‍ലൈനുകളെ അല്ലെങ്കില്‍ മൊത്തം എയര്‍ ട്രാഫിക്കിന്റെ 83% പ്രതിനിധീകരിക്കുന്നു. ലോകമെമ്പാടുമുള്ള എയര്‍ലൈനുകളുടെ താല്‍പ്പര്യങ്ങള്‍ക്കായി വാദിക്കുന്ന എയര്‍ലൈന്‍ വ്യവസായത്തെ പ്രതിനിധീകരിക്കുകയും നയിക്കുകയും സേവിക്കുകയും ചെയ്യുക എന്നതാണ് ഇന്റര്‍നാഷണല്‍ എയര്‍ ട്രാന്‍സ്പോര്‍ട്ട് അസോസിയേഷന്റെ ദൗത്യം.
അറബ് എയര്‍ കാരിയേഴ്സ് ഓര്‍ഗനൈസേഷന്റെ എക്സിക്യൂട്ടീവ് കമ്മിറ്റി അംഗമായും ബദര്‍ അല്‍ മീറിനെ തെരഞ്ഞെടുത്തിട്ടുണ്ട്. 34 വിമാനക്കമ്പനികളെ പ്രതിനിധീകരിക്കുന്ന അറബ് എയര്‍ലൈന്‍സിന്റെ പ്രാദേശിക അസോസിയേഷനാണ് അറബ് എയര്‍ കാരിയേഴ്സ് ഓര്‍ഗനൈസേഷന്‍.
