2024 ലെ ദേശീയ കായിക ദിനത്തില്‍ പാലിക്കേണ്ട മാനദണ്ഡങ്ങളും വ്യവസ്ഥകളും പ്രഖ്യാപിച്ചു
ദോഹ: 2024 ലെ ദേശീയ കായിക ദിനത്തില്‍ പാലിക്കേണ്ട മാനദണ്ഡങ്ങളും വ്യവസ്ഥകളും പ്രഖ്യാപിച്ചു. ദേശീയ കായിക ദിനത്തിനായുള്ള സംയുക്ത സമിതിയാണ് വിശദാംശങ്ങള്‍ പ്രഖ്യാപിച്ചത്. ഫെബ്രുവരിയിലെ രണ്ടാമത്തെ ചൊവ്വാഴ്ചയാണ് ഖത്തര്‍ കായിക ദിനം ആഘോഷിക്കുന്നത്. ഈ വര്‍ഷം, ഇത് ഫെബ്രുവരി 13 നാണ്.
അമിതമായ ആഘോഷങ്ങള്‍ ഒഴിവാക്കി ശാരീരിക, ചലനം, ബോധവല്‍ക്കരണ പ്രവര്‍ത്തനങ്ങള്‍ എന്നിവയ്ക്ക് ഊന്നല്‍ നല്‍കണമെന്ന് കമ്മിറ്റി ഒരു പ്രസ്താവനയില്‍ വിശദീകരിച്ചു. ദൈനംദിന കായിക പരിശീലനം ആരോഗ്യകരമായ പെരുമാറ്റമായി സ്ഥാപിക്കുന്നതിനും വ്യക്തിജീവിതത്തിലും സമൂഹജീവിതത്തിലും സ്‌പോര്‍ട്‌സിന്റെ പ്രാധാന്യത്തെക്കുറിച്ച് പങ്കാളികളുടെ ധാരണ വര്‍ദ്ധിപ്പിക്കുന്നതിനും ബോധവല്‍ക്കരണ പ്രവര്‍ത്തനങ്ങളില്‍ ശ്രദ്ധ കേന്ദ്രീകരിക്കേണ്ടതിന്റെ പ്രാധാന്യം കമ്മിറ്റി എടുത്തുപറഞ്ഞു.
പങ്കെടുക്കുന്നവരുടെ പ്രായത്തിനും ആരോഗ്യസ്ഥിതിക്കും അനുയോജ്യമായ സ്‌പോര്‍ട്‌സ് പ്രവര്‍ത്തനങ്ങളുടെ ആവശ്യകതയെ വ്യവസ്ഥകള്‍ ഊന്നിപ്പറയുന്നു.
2024ലെ ദേശീയ കായിക ദിനവുമായി ബന്ധപ്പെട്ട പരിപാടികളും പദ്ധതികളും ദേശീയ കായിക ദിനത്തിനായുള്ള സംയുക്ത സമിതിക്ക് നല്‍കാന്‍ എല്ലാ മന്ത്രാലയങ്ങളോടും സര്‍ക്കാര്‍ സ്ഥാപനങ്ങളോടും പൊതുസ്ഥാപനങ്ങളോടും സ്വകാര്യ മേഖല ഉള്‍പ്പെടെയുള്ള സ്വകാര്യമേഖലാ സ്ഥാപനങ്ങളോടും കമ്മിറ്റി ആവശ്യപ്പെട്ടു. www.msy.gov.qa എന്ന വെബ്സൈറ്റില്‍ ലഭ്യമായ ഫോമിലാണ് വിവരങ്ങള്‍ നല്‍കേണ്ടത്.
