Local News
ദോഹ മദ്‌റസ സാഹിത്യ സമാജം ഉദ്ഘാടനം ചെയ്തു
ദോഹ.ദോഹ അമദ്‌റസ അല്‍ ഇസ്ലാമിയ സാഹിത്യ സമാജം 2024 – ന്റെ ഔപചാരിക ഉദ്ഘാടനം ഖത്തര്‍ മാപ്പിള കല അക്കാദമി ഓര്‍ഗനൈസിംഗ് സെക്രട്ടറി ശഫീര്‍ വാടാനപ്പള്ളി നിര്‍വഹിച്ചു .
മനോഹരമായ മാപ്പിളപ്പാട്ടുകളുടെ അകമ്പടിയോടെയുള്ള അദ്ദേഹത്തിന്റെ ‘എന്റെ ഫലസ്ത്വീന്‍ ‘ എന്ന പ്രമേയാവതരണം ഏറെ ഹൃദ്യവും വൈകാരികവുമായി . ഉദ്ഘാടന പരിപാടിയില്‍ സൈനബ് സുബൈര്‍ മലോല്‍ അധ്യക്ഷത വഹിച്ചു. മദ്‌റസ പ്രിന്‍സിപ്പല്‍ ആമുഖ ഭാഷണം നിര്‍വഹിച്ചു . ഹെയ്‌സ ശിഹാബുദ്ദീന്‍, ഫൈസാന്‍ കരീം എന്നിവര്‍ ഗാനമാലപിച്ചു. മദ്‌റസ ഹെഡ് ബോയ് അബീദ് ഖാസിം സ്വാഗതവും ഹെഡ് ഗേള്‍ ഇസ്ര യാസിര്‍ നന്ദി പ്രകാശനവും നിര്‍വഹിച്ചു. മാസിന്‍ അജ്മല്‍ ഖിറാഅത്ത് നടത്തി .
പരിപാടിയോടനുബന്ധിച്ച് എല്ലാ ക്ലാസ്സുകളിലും ഫലസ്ത്വീന്‍ വിമോചന പോരാട്ടത്തെ അധികരിച്ച് വ്യത്യസ്തവും വൈവിധ്യമാര്‍ന്നതുമായ പരിപാടികളും നടന്നു.
