Uncategorized
അക്രം അഫീഫിന് കായിക യുവജന മന്ത്രാലയത്തിന്റെ ആദരം
ദോഹ: 2023 ലെ ഏഷ്യന്‍ പ്ലെയര്‍ ഓഫ് ദ ഇയര്‍ പുരസ്‌കാരം നേടിയ ഖത്തറിന്റെ ദേശീയ ഫുട്ബോള്‍ താരം അക്രം അഫീഫിനെ കായിക യുവജന മന്ത്രി ഷെയ്ഖ് ഹമദ് ബിന്‍ ഖലീഫ ബിന്‍ അഹമ്മദ് അല്‍ താനി ആദരിച്ചു.
ഞായറാഴ്ച ഒരു പ്രസ്താവനയില്‍, മന്ത്രി അഫീഫിന്റെ അര്‍പ്പണബോധത്തെയും സ്ഥിരോത്സാഹത്തെയും പ്രശംസിച്ചു, രണ്ട് തവണ ഈ അഭിമാനകരമായ അവാര്‍ഡ് ലഭിക്കുന്ന ആദ്യത്തെ ഖത്തറിയാണ് അക്രം അഫീഫെന്നും ഇത് അഭിമാനകരമാണെന്നും മന്ത്രി പറഞ്ഞു.
1994-ല്‍ ഈ അവാര്‍ഡ് ആരംഭിച്ചതിന് ശേഷം 26-ാമത്തെ പുരസ്‌കാരം നേടുന്നയാളാണ് അഫീഫ്, 2019-ല്‍ ഇത് ആദ്യമായി നേടിയ ശേഷം രണ്ട് തവണ ഇത് അവകാശപ്പെടുന്ന ആദ്യ ഖത്തറിയാണ്.
