ഐ.സി.സി സ്റ്റുഡന്റ്‌സ് ഫോറം പ്രിന്‍സിപ്പലിനൊപ്പം രണ്ടാം ഓണ്‍ലൈന്‍ ടോക്ക് ഷോ സംഘടിപ്പിച്ചു
ഡോ. അമാനുല്ല വടക്കാങ്ങര
ദോഹ : ഇന്ത്യന്‍ കള്‍ചറല്‍ സെന്റര്‍ സ്റ്റുഡന്റ്‌സ് ഫോറം പ്രിന്‍സിപ്പലിനൊപ്പം രണ്ടാം ഓണ്‍ലൈന്‍ ടോക്ക് ഷോ സംഘടിപ്പിച്ചു. പ്രിന്‍സിപ്പലിനൊപ്പം സന്തോഷം പങ്കിടാം എന്ന വിഷയത്തില്‍ സംഘടിപ്പിച്ച ടോക്ക് ഷോയില്‍ ഡി.പി.എസ് മോഡേണ്‍ ഇന്ത്യന്‍ സ്‌ക്കൂള്‍ പ്രിന്‍സിപ്പല്‍ അസ്‌ന നഫീസ് സംസാരിച്ചു.
വിദ്യാര്‍ത്ഥികളുടെ വളര്‍ച്ചക്ക് സന്തോഷത്തിന്റെ ആവശ്യകതയെക്കുറിച്ച് പ്രിന്‍സിപ്പല്‍ വിശദീകരിക്കുകയും വിദ്യാര്‍ത്ഥികളുടെ ചോദ്യങ്ങള്‍ക്ക് മറുപടി നല്‍കുകയും ചെയ്തു
ഐ.സി.സി പ്രസിഡന്റ് പി.എന്‍ ബാബുരാജനും, ഐ.സി.സി വൈസ് പ്രസിഡന്റ് സുബ്രഹ്‌മണ്യ ഹെബ്ബഗേലുവും, മറ്റു ഐ.സി.സി കമ്മിറ്റി മെമ്പര്‍മാരും പങ്കെടുത്തു.
ഹെഡ് ഓഫ് ആക്റ്റിവിറ്റി കോര്‍ഡിനേറ്റര്‍ & എജ്യൂക്കേഷന്‍ കമല താക്കൂര്‍, ഹെഡ് ഓഫ് കള്‍ചറല്‍ ആക്റ്റിവിറ്റീസ് ശ്വേത കോശി, ആര്യ കനാദേ (ഡി.പി.എസ് സ്‌ക്കൂള്‍) ആര്യ നന്ദ ദേവി (ഐഡിയല്‍ ഇന്ത്യന്‍ സ്‌ക്കൂള്‍) തുടങ്ങിയവര്‍ സംസാരിച്ചു.
