ഓട്ടിസം സ്പെക്ട്രം ഡിസോര്ഡര് കോവിഡ് കാല വീട്ടു പരിചരണം എന്ന വിഷയത്തില് നിയാര്ക്ക് ഖത്തര് ചാപ്റ്റര് വെബിനാര് സംഘടിപ്പിക്കുന്നു
ദോഹ : ഓട്ടിസം സ്പെക്ട്രം ഡിസോര്ഡര് – കോവിഡ് കാല വീട്ടു പരിചരണം എന്ന വിഷയത്തില് നിയാര്ക്ക് ഖത്തര് ചാപ്റ്റര് വെബിനാര് സംഘടിപ്പിക്കുന്നു. ഇന്ത്യന് സ്വാതന്ത്ര ദിനത്തിന്റെ 75-ാം വാര്ഷികാഘോഷത്തിന്റെ ഭാഗമായ ‘ആസാദി അമൃത മഹോത്സവവുമായി’ ബന്ധപ്പെട്ട് ഐ.സി.ബി.എഫും നിയാര്ക്ക് ഖത്തര് ചാപറ്ററും സംയുക്തമായാണ് വെബിനാര് സംഘടിപ്പിക്കുന്നത്.
പൊതുജനാരോഗ്യ വിദഗ്ദ്ധയായ ഡോ. അല്പ്ന മിത്തല് മുഖ്യാതിഥിയാവുന്ന പരിപാടിയില് നിയാര്ക്കിന്റെ ചീഫ് മെഡിക്കല് ഓഫീസറായ ഡോ. സൗമ്യ (MBBS, MD – PMR, DNB – PMR) മുഖ്യ പ്രഭാഷണം നിര്വ്വഹിക്കും.
ജൂലൈ 9ന് വെള്ളിയാഴ്ച വൈകു. 5 മണിക്ക് സൂം പ്ലാറ്റ്ഫോമിലാണ് പരിപാടി നടക്കുക. പരിപാടിയില് 421 925 2809 എന്ന മീറ്റിംഗ് ഐഡിയും NIARCQATAR എന്ന പാസ്വേഡും ഉപയോഗിച്ച് പങ്കെടുക്കാവുന്നതാണ്.
ഇന്ത്യന് എംബസിയുടെ കീഴിലുള്ള ഐ.സി.ബിഎഫുമായി അഫിലിയേഷനുള്ള നെസ്റ്റ് ഇന്റര്നാഷണല് അക്കാഡമി & റിസര്ച്ച് സെന്റര് (നിയാര്ക്ക്) ഭിന്നശേഷിക്കാരായ കുട്ടികളുടെ പരിചരണത്തിനും പരിശീലനത്തിനുമായി അന്തര്ദേശീയ നിലവാരത്തില് പ്രവര്ത്തിക്കുന്ന ഒരു സ്ഥാപനമാണ്. കുട്ടികളില് കാണപ്പെടുന്ന വൈകല്യങ്ങള് വ്യത്യസ്ഥങ്ങളായ പരിശോധനകളിലൂടെ കണ്ടെത്തി നൂതനമായ തെറാപ്പികളിലൂടെ മാറ്റിയെടുക്കുവാനും സമൂഹത്തിന്റെ മുഖ്യധാരയിലേക്ക് ഇത്തരം കുട്ടികളെ എത്തിക്കുവാനും കഴിയുന്നു എന്നതാണ് നിയാര്ക്കിന്റെ പ്രത്യേകത.
