റിയല് എസ്റ്റേറ്റ് മേഖലയെ ഉത്തേജിപ്പിക്കാന് ഖത്തര് നിയമങ്ങള് വികസിപ്പിക്കുന്നു: മുനിസിപ്പാലിറ്റി മന്ത്രി
അമാനുല്ല വടക്കാങ്ങര
ദോഹ: റിയല് എസ്റ്റേറ്റ് മേഖലയെ ഉത്തേജിപ്പിക്കാന് ഖത്തര് നിയമങ്ങള് വികസിപ്പിക്കുകയാണെന്ന് മുനിസിപ്പാലിറ്റി മന്ത്രി ഡോ. അബ്ദുല്ല ബിന് അബ്ദുല് അസീസ് ബിന് തുര്ക്കി അല് സുബൈ അഭിപ്രായപ്പെട്ടു. ഷെറാട്ടണ് ഹോട്ടലില് നടക്കുന്ന പ്രഥമ ഖത്തര് റിയല് എസ്റ്റേറ്റ് ഫോറത്തില് ‘റിയല് എസ്റ്റേറ്റിലെ ഭാവി പ്രവണതകള്’ എന്ന വിഷയത്തില് നടന്ന ചര്ച്ചയില് സംസാരിക്കുകയായിരുന്നു മന്ത്രി.
റിയല് എസ്റ്റേറ്റ് മേഖലയെ നിയന്ത്രിക്കുന്നതിനായി മുനിസിപ്പാലിറ്റി മന്ത്രാലയം പ്രോപ്പര്ട്ടി ഓണേഴ്സ് അസോസിയേഷന് നിയമവും മറ്റ് നിയമങ്ങളും ചട്ടങ്ങളും വികസിപ്പിക്കുന്നു, നീതിന്യായ മന്ത്രാലയം ഉള്പ്പെടെ രാജ്യത്തെ എല്ലാ പ്രസക്തമായ മന്ത്രാലയങ്ങളുടെയും ഏജന്സികളുടെയും യോജിച്ച ശ്രമങ്ങളോടെയാണ് അവ തയ്യാറാക്കുന്നത്.
റിയല് എസ്റ്റേറ്റ് മേഖലയെ നിയന്ത്രിക്കുന്നതിന് സഹായിക്കുന്ന വ്യവസ്ഥകളും നിയമനിര്മ്മാണങ്ങളും ചട്ടങ്ങളും തയ്യാറാക്കുന്നതിലൂടെ റിയല് എസ്റ്റേറ്റ് മേഖലയുടെ വികസനത്തിനും നിയന്ത്രണത്തിനും മന്ത്രാലയം പിന്തുണ നല്കുന്നുണ്ടെന്ന് മന്ത്രി പറഞ്ഞു.
