കുവാഖ് രക്തദാന ക്യാമ്പ് സംഘടിപ്പിച്ചു
ദോഹ : ഖത്തറിലെ കണ്ണൂര് ജില്ലക്കാരുടെ സൗഹൃദ കൂട്ടായ്മയായ കുവാഖ് ഹമദ് മെഡിക്കല് കോര്പറേഷനുമായി സഹകരിച്ചു കൊണ്ട് രക്തദാന ക്യാമ്പ് സംഘടിപ്പിച്ചു. ചടങ്ങില് ഐ.സി.സി വൈസ് പ്രസിഡണ്ട് സുബ്രഹ്മണ്യ ഹെബ്ബഗലു വിശിഷ്ടാതിഥിയായിരുന്നു. കുവാഖ് നടത്തിവരുന്ന ജീവകാരുണ്യ പ്രവര്ത്തനങ്ങളെ അദ്ദേഹം പ്രകീര്ത്തിച്ചു. രക്തദാന കമ്മിറ്റി കണ്വീനര് ഷണ്ജിത്ത് മുണ്ടമെട്ടയുടെ നേതൃത്വത്തില് നടന്ന ക്യാമ്പില് കുവാഖ് പ്രസിഡണ്ട് മുഹമ്മദ് നൗഷാദ്, ജനറല് സെക്രട്ടറി വിനോദ് വള്ളിക്കോല്, ബുവന്രാജ്, അമിത്ത് രാമക്യഷ്ണന്, നിഹാസ് കോടിയേരി, മനോഹരന് മയ്യില്, അനില്കുമാര്, രതീശന്, സന്തോഷ്, രാജേഷ് കുന്നുംപുറത്ത്, കമറുദിന്, രതീഷ് മാത്രാടന്, ദിനേശന് പാലേരി, നിയാസ് ചിറ്റാലിക്കല്, ആനന്ദന്, റിജിന് പള്ളിയത്ത്, സഞ്ജയ് രവീന്ദ്രന്, ഷൈമാ ആനന്ദന്, അഞ്ജലി അനില്കുമാര്, രാഖി വിനോദ് എന്നിവര് സംബന്ധിച്ചു.
