ഖത്തര് ഫൗണ്ടേഷന് പൂര്വ വിദ്യാര്ഥികള് പരസ്പരം നെറ്റ് വര്ക്കിലൂടെ സ്റ്റാര്ട്ടപ്പുകള്ക്ക് നേതൃത്വം നല്കണം : ശൈഖ മൗസ
അമാനുല്ല വടക്കാങ്ങര
ദോഹ: ഖത്തര് ഫൗണ്ടേഷന് ബിരുദധാരികളെ പരസ്പരം സൗഹൃദം വളര്ത്തിയെടുക്കാനും ഈ സൗഹൃദങ്ങള് നൂതന ആശയങ്ങളും പ്രോജക്ടുകളും മുന്നോട്ട് കൊണ്ടുപോകാന് ഉപയോഗിക്കാനും ഖത്തര് ഫൗണ്ടേഷന് ചെയര്പേഴ്സണ് ശൈഖ മൗസ ബിന്ത് നാസര് അല് മിസ്നദ് പ്രോത്സാഹിപ്പിച്ചു.
13 സ്കൂളുകള്, ഏഴ് അന്താരാഷ്ട്ര പങ്കാളി സര്വകലാശാലകള്, ഹമദ് ബിന് ഖലീഫ യൂണിവേഴ്സിറ്റി എന്നിവ ഉള്പ്പെടുന്ന ഖത്തര് ഫൗണ്ടേഷന്റെ (ക്യുഎഫ്) വിദ്യാഭ്യാസ മേഖലയിലുടനീളമുള്ള നൂറുകണക്കിന് പൂര്വവിദ്യാര്ഥികളെ ഒരുമിച്ച് കൊണ്ടുവന്ന ഓര്ഗനൈസേഷന്റെ വാര്ഷിക അലുമ്നി ഫോറത്തെ അഭിസംബോധന ചെയ്യുകയായിരുന്നു അവര്. നെറ്റ്വര്ക്കുകള് നിര്മ്മിക്കുക, കരിയര് പാതകളും തൊഴിലവസരങ്ങളും പോലുള്ള വിഷയങ്ങളെക്കുറിച്ചുള്ള അവരുടെ കാഴ്ചപ്പാടുകള് പ്രകടിപ്പിച്ച് സമൂഹത്തിന് ഉപകാര പ്രദമായ സംരംഭങ്ങളില് ഭാഗഭാക്കാവുവാന് ശൈഖ ആഹ്വാനം ചെയ്തു
