ഡോ. അമാനുല്ല വടക്കാങ്ങര : –

അഹദിലേക്ക് ഇശ്ഖിലേക്ക് എന്ന എന്ന ഒറ്റ ആല്‍ബത്തിലൂടെ സംഗീതാസ്വാദകരുടെ മനം കവര്‍ന്ന ഹസ്ബുല്ല കൊല്ലം രചനയും സംവിധാനവും നിര്‍വ്വഹിച്ച സുല്‍ത്താനെ മദീന എന്ന സംഗീത ആല്‍ബം റിലീസിനൊരുങ്ങുന്നു. ഈ മാസം അവസാനത്തോടെ യു ട്യൂബ് ചാനലില്‍ റിലീസ് ചെയ്യാനാകുമെന്നാണ് കരുതുന്നതെന്ന് ഹസ്ബുല്ല പറഞ്ഞു.

പ്രവാചക സ്നേഹത്തിന്റെ അവാച്യതലങ്ങളെ സംഗീത സാന്ദ്രമാക്കുന്ന വരികളും അതിനനുയോജ്യമായ ഈണവുമാണ് ആല്‍ബത്തിന്റെ സവിശേഷത.
എങ്ങാനും ഞങ്ങളുടെ നാദം നിലച്ചു പോയാല്‍ അത് അങ്ങയുടെ മദ്ഹിന്റെ ഈരടികള്‍ ഉരുവിട്ടാവണം എന്നതിനാല്‍ ഞങ്ങളും പാടി പകര്‍ത്തട്ടെ എന്ന ആമുഖത്തോടെയാണ് ആല്‍ബം തുടങ്ങുന്നത് എന്നതും ശ്രദ്ധേയമാണ്.

വിശ്വാസികളുടെ ഇടമുറിയാതെ പ്രാര്‍ത്ഥനകളില്‍ നിത്യം വിരിയുന്ന പൂവാണ് പ്രവാചക പുംഗവന്റെ പാദ സ്പര്‍ശമേറ്റ മദീന മുനവ്വറയ്യിലെ ഓരോ മണ്‍ തരിയും. ഭക്തിയും പ്രണയവും സമ്മേളിക്കുന്ന ആ നിറ സന്നിദ്ധിയില്‍ കഴിയാന്‍ കൊതിക്കാത്ത ഹൃദയങ്ങളുണ്ടോ.രാഗവും അനുരാഗവും ആലമാകെ നിറഞ്ഞ വെളിച്ചവും തോരാതെ പെയ്യുന്ന സുല്‍ത്താനെ മദീന നൂറേ ഖുദാ മീഡിയയുടെ ബാനറില്‍ കേക്ക് ഫാക്ടറിയാണ് ആല്‍ബം സഹൃദയ ലോകത്തിന് സമ്മാനിക്കുന്നത്.

പതിനാലാം രാവ് ഫെയിം സല്‍മാന്‍ എസ്.വി, സലാഹുദ്ധീന്‍ പുളിയഞ്ചേരി, ലുഖ്മാനുല്‍ ഹകീം എന്നിവരാണ് ഗായകര്‍. ശംസീര്‍ സഖാഫിയാണ് നിര്‍മാണവും സംവിധാനവും നിര്‍വഹിച്ചിരിക്കുന്നത്. അമീന്‍ ചീക്കോടാണ് സൗണ്ട് മിക്സിംഗ്. സഹ്റാന്‍ കിഴിശ്ശേരിയാണ് സ്റ്റുഡിയോ.