Breaking NewsUncategorized
ഇന്ന് മുതല്‍ ആഴ്ചാവസാനം വരെ രാജ്യത്ത് താപനില ക്രമേണ ഉയര്‍ന്നേക്കും
ദോഹ: ഇന്ന് മുതല്‍ ആഴ്ചാവസാനം വരെ രാജ്യത്ത് താപനില ക്രമേണ ഉയര്‍ന്നേക്കും. ഖത്തര്‍ കാലാവസ്ഥാ വകുപ്പിന്റെ ഏറ്റവും പുതിയ കാലാവസ്ഥാ അപ്ഡേറ്റ് പ്രകാരമാണിത്. താപനില 43-47 ഡിഗ്രി സെല്‍ഷ്യസ് ആകാം. എന്നാല്‍ ബുധന്‍, വ്യാഴം ദിവസങ്ങളില്‍ 47-49 ഡിഗ്രി സെല്‍ഷ്യസില്‍ വരെ എത്തിയേക്കുമെന്നും അത് വ്യക്തമാക്കി.
ഈ കാലയളവിലെ ചൂടിനെ പ്രതിരോധിക്കാനുള്ള നടപടികളും ജാഗ്രതയും കൈകൊള്ളണമെന്ന് വകുപ്പ് ശുപാര്‍ശ ചെയ്തു. സുഖകരവും ഇളം നിറത്തിലുള്ളതുമായ വസ്ത്രങ്ങള്‍ ധരിക്കുക, ആവശ്യത്തിന് ദ്രാവകം കുടിക്കുക, വാഹനത്തില്‍ കുട്ടികളെ തനിച്ചാക്കി പോകുന്നത് ഒഴിവാക്കുക എന്നിവ പ്രത്യേകം ശ്രദ്ധിക്കണം.
