വ്യക്തി കേന്ദ്രീകൃത പരിചരണം ഉയര്‍ത്താന്‍ കമ്മ്യൂണിറ്റി ഫീഡ് ബാക്ക് തേടി ഹമദ് മെഡിക്കല്‍ കോര്‍പ്പറേഷന്‍
അമാനുല്ല വടക്കാങ്ങര
ദോഹ: വ്യക്തി കേന്ദ്രീകൃത പരിചരണം ഉയര്‍ത്താന്‍ കമ്മ്യൂണിറ്റി ഫീഡ് ബാക്ക് തേടി ഹമദ് മെഡിക്കല്‍ കോര്‍പ്പറേഷന്‍. രോഗികളുടെ സംതൃപ്തിക്ക് മുന്‍ഗണന നല്‍കുന്നതിനും ആരോഗ്യ സംരക്ഷണത്തിന്റെ ഗുണനിലവാരം ഉയര്‍ത്തുന്നതിനുമാണ് ഹമദ് മെഡിക്കല്‍ കോര്‍പ്പറേഷന്‍ നിലവിലുള്ളവരും മുന്‍ രോഗികളും അവരുടെ കുടുംബാംഗങ്ങളും ഉള്‍പ്പെടെയുള്ള കമ്മ്യൂണിറ്റി അംഗങ്ങള്‍ക്ക് അവരുടെ ആരോഗ്യ പരിപാലന അനുഭവങ്ങളെക്കുറിച്ച് ഫീഡ്ബാക്കുകള്‍ തേടുന്നത്.
രോഗിയുടെയും കുടുംബാംഗങ്ങളുടെയും അനുഭവത്തെ സ്വാധീനിക്കുന്ന ആശങ്കകള്‍ ചര്‍ച്ച ചെയ്യുന്ന ഹമദ് മെഡിക്കല്‍ കോര്‍പ്പറേഷന്റെ പേഷ്യന്റ് ആന്‍ഡ് ഫാമിലി അഡൈ്വസറി കൗണ്‍സില്‍ ഗ്രൂപ്പുകളുടെ ഭാഗമായി അവരുടെ ഫീഡ്ബാക്ക് ഉള്‍പ്പെടുത്തും. രോഗിയുടെ അനുഭവം മെച്ചപ്പെടുത്തുന്നതിനുള്ള സംരംഭങ്ങള്‍ക്ക് മുന്‍ഗണന നല്‍കുക, ഈ സംരംഭങ്ങള്‍ രൂപകല്‍പ്പന ചെയ്യുന്നതിനും നടപ്പിലാക്കുന്നതിനും ആശുപത്രി ടീമുകളുമായി ചേര്‍ന്ന് പ്രവര്‍ത്തിക്കുക എന്നിവയിലൂടെ എച്ച്എംസി അതിന്റെ ഭാവിയില്‍ വ്യക്തി കേന്ദ്രീകൃത പരിചരണത്തിന്റെ ഭാവി രൂപപ്പെടുത്തുന്നതില്‍ സജീവമായി പങ്കെടുക്കാനാണ് ശ്രമിക്കുന്നത്.
”ഞങ്ങളുടെ രോഗികളെയും അവരുടെ കുടുംബങ്ങളെയും വിശാലമായ സമൂഹത്തെയും ഇടപഴകുന്നതും ശ്രദ്ധിക്കുന്നതും പരിചരണത്തിന് ഒരു വ്യക്തി കേന്ദ്രീകൃത സമീപനം സൃഷ്ടിക്കുന്നതിനുള്ള ഞങ്ങളുടെ പ്രതിബദ്ധതയുടെ ഹൃദയഭാഗമാണെന്ന് ഹമദ് ഹെല്‍ത്ത് കെയര്‍ ക്വാളിറ്റി ഇന്‍സ്റ്റിറ്റ്യൂട്ടിലെ സെന്റര്‍ ഫോര്‍ പേഷ്യന്റ് എക്‌സ്പീരിയന്‍സ് ആന്‍ഡ് സ്റ്റാഫ് എന്‍ഗേജ്മെന്റ് ഡയറക്ടര്‍ നാസര്‍ അല്‍ നഈമി പറഞ്ഞു.
