Uncategorized
ഗ്രീന്‍ ടീം വളണ്ടിയര്‍ അഭിമുഖങ്ങള്‍ പുരോഗമിക്കുന്നു
ദോഹ: ഒക്ടോബര്‍ 2 മുതല്‍ മാര്‍ച്ച് 28 വരെ ദോഹയില്‍ നടക്കുന്ന ദോഹ എക്‌സ്‌പോ 2023 അഭിമുഖങ്ങള്‍ പുരോഗമിക്കുന്നു. സെപ്തംബര്‍ ഒമ്പത് വരെയാണ് നിലവില്‍ ഷെഡ്യൂള്‍ ചെയ്തിരിക്കുന്നത്. ഏകദേശം അന്‍പതിനായിരത്തിലധികം പേരാണ് വളണ്ടിയര്‍മാരാകുവാന്‍ രജിസ്റ്റര്‍ ചെയ്തിരിക്കുന്നത്. ഇവരില്‍ നിന്നും 2,200 വളണ്ടിയര്‍മാരെയാണ് എക്‌സ്‌പോക്ക് ആവശ്യമുള്ളത്.
ഗ്രീന്‍ ടീം എന്നറിയപ്പെടുന്ന പയനിയര്‍ വളണ്ടിയര്‍മാരാണ് അഭിമുഖം നടത്തുന്നത്. മുന്‍ പരിചയം, ആശയവിനിമയത്തിനുള്ള കഴിവ് എന്നിവ ഉള്‍പ്പെട്ട കാര്യങ്ങളുടെ അടിസ്ഥാനത്തിലാണ് വളണ്ടിയര്‍ തെരെഞ്ഞെടുപ്പ് നടക്കുന്നത്.
തെരെഞ്ഞെടുക്കപ്പെടുന്നവര്‍ക്ക് ആവശ്യമായ പരിശീലനം നല്‍കിയ ശേഷമാകും വളണ്ടിയര്‍ ഡ്യൂട്ടി നല്‍കുക .
