മീറ്റ് ആന്‍ഡ് ഫിറ്റ് സംഘടിപ്പിച്ചു
ദോഹ. കെ എം സി സി ഖത്തര്‍ കുറ്റ്യാടി മണ്ഡലം കമ്മിറ്റി ദേശീയ കായിക ദിനത്തോനടുബന്ധിച്ച് മീറ്റ് ആന്‍ഡ് ഫിറ്റ് സംഘടിപ്പിച്ചു.
മണ്ഡലം പ്രസിഡന്റ് അബ്ദുല്‍ഗഫൂര്‍ അധ്യക്ഷതയില്‍ കെ എം സി സി സംസ്ഥാന ഉപാധ്യക്ഷന്‍ അജ്മല്‍ നബീല്‍ ഉല്‍ഘാടനം ചെയ്തു
ആരോഗ്യവാനായ പ്രവാസി എന്ന വിഷയത്തില്‍ ഡോ. ഷഫീക്ക് താപ്പി (നെഫ്രോളജിസ്റ്റ്, ഹമദ് ഹോസ്പിറ്റല്‍)യും ആരോഗ്യപരമായ വ്യായാമമുറകള്‍ക്ക് മുഹമ്മദ് ഹുസൈന്‍(ഫിസിയോതെറാപിസ്റ്റ് ) എന്നിവര്‍ നേതൃത്വം നല്‍കി
ഖത്തറില്‍ വിവിധ മേഖലകളില്‍ കഴിവ് തെളിയിച്ച നവാസ് പുതിയോട്ടില്‍, നിഹ അജ്മല്‍ നബീല്‍, ഫൈഹാന്‍ അജ്മല്‍ നബീല്‍ എന്നിവരെ ഉപഹാരം നല്‍കി ആദരിച്ചു.
ജില്ല ജനറല്‍ സെക്രട്ടറി അതിഖ് റഹ്‌മാന്‍. സെക്രട്ടറി ഷബീര്‍ മേമുണ്ട തുടങ്ങിയവരും ജില്ലാ മണ്ഡലം നേതാക്കളും പങ്കെടുത്ത പരിപാടിയില്‍ ഉബൈദ് കുയ്യന സ്വാഗതവും സ്‌പോര്‍ട് വിങ് ചെയര്‍മാന്‍ മുഹമ്മദ് കുന്നുമ്മല്‍ നന്ദിയും പറഞ്ഞു.
