മഴക്ക് വേണ്ടിയുള്ള പ്രാര്ഥനയില് പങ്കെടുത്ത് ഖത്തര് അമീറും
ദോഹ: മഴക്ക് വേണ്ടിയുള്ള പ്രാര്ഥനയില് പങ്കെടുത്ത് ഖത്തര് അമീറും . ഇന്ന് രാവിലെ ലുസൈല് പ്രാര്ത്ഥനാ മൈതാനത്ത് വിശ്വാസികള്ക്കൊപ്പം ചേര്ന്നാണ് ഖത്തര് അമീര് ശൈഖ് തമീം ബിന് ഹമദ് അല്താനി ഇസ്തിസ്ഖ (മഴ തേടി) പ്രാര്ത്ഥന നടത്തിയത്.
അമീറിന്റെ വ്യക്തിഗത പ്രതിനിധി ഷെയ്ഖ് ജാസിം ബിന് ഹമദ് അല്താനി, ശൈഖ് അബ്ദുല്ല ബിന് ഖലീഫ അല്താനി, ശൈഖ് ജാസിം ബിന് ഖലീഫ അല്താനി ,ശൂറാ കൗണ്സില് സ്പീക്കര് ഹസന് ബിന് അബ്ദുല്ല അല് ഗാനിം, നിരവധി മന്ത്രിമാര് എന്നിവര് പ്രാര്ത്ഥന നടത്തി.
പ്രാര്ത്ഥനയ്ക്കു ശേഷമുള്ള ഒരു പ്രസംഗത്തില്, പ്രാര്ത്ഥനയ്ക്ക് നേതൃത്വം നല്കിയ കാസേഷന് കോടതി ജഡ്ജിയും സുപ്രീം ജുഡീഷ്യറി കൗണ്സില് അംഗവുമായ ഷെയ്ഖ് ഡോ. തഖീല് സയര് അല് ഷമ്മാരി, പാപമോചനവും ദാനവും തേടാന് ആരാധകരോട് അഭ്യര്ത്ഥിച്ചു.
ഖത്തറില് നൂറ്റി പത്തോളം കേന്ദ്രങ്ങളിലാണ് ഇന്ന് മഴക്ക് വേണ്ടിയുള്ള പ്രത്യേക പ്രാര്ഥന നടന്നത്.
