അഞ്ചാമത് കത്താറ രാജ്യാന്തര അറേബ്യന്‍ കുതിരോത്സവത്തിന് ഇന്ന് തുടക്കം
ദോഹ: അഞ്ചാമത് കത്താറ രാജ്യാന്തര അറേബ്യന്‍ കുതിരോത്സവത്തിന് കള്‍ച്ചറല്‍ വില്ലേജ് ഫൗണ്ടേഷനില്‍ ഇന്ന് തുടക്കമാകും.ഖത്തര്‍ റേസിംഗ് ആന്‍ഡ് ഇക്വസ്ട്രിയന്‍ ക്ലബ് (ക്യുആര്‍ഇസി), ഖത്തര്‍ ഇക്വസ്ട്രിയന്‍ ഫെഡറേഷന്‍ (ക്യുഇഎഫ്) എന്നിവയുടെ സഹകരണത്തോടെ സംഘടിപ്പിക്കുന്ന ഈ ഫെസ്റ്റിവല്‍, പുരാതന കാലം മുതല്‍ ഖത്തറികള്‍ ഇഷ്ടപ്പെടുന്ന കുതിരസവാരി കായികരംഗത്ത് ഖത്തറിന്റെ പാരമ്പര്യം ഉയര്‍ത്താന്‍ ലക്ഷ്യമിടുന്നതാണ്. ജനുവരി 29 മുതല്‍ ഫെബ്രുവരി 8 വരെയാണ് ഫെസ്റ്റിവല്‍ നടക്കുക. ഫെസ്റ്റിവലിന്റെ ആദ്യ പതിപ്പ് 2021 ഫെബ്രുവരിയിലാണ് ആരംഭിച്ചത്.
ജനുവരി 29 ന് ആരംഭിച്ച് ഫെബ്രുവരി 1 ന് സമാപിക്കുന്ന അല്‍ ജാസിറ കുതിര ചാമ്പ്യന്‍ഷിപ്പ്, ് ഫെബ്രുവരി 3 ന് കുതിരലേലം, തുടര്‍ന്ന് ഫെബ്രുവരി 5 മുതല്‍ 8 വരെയുള്ള കാലയളവില്‍ അറേബ്യന്‍ പെനിന്‍സുല കുതിര പ്രദര്‍ശനം എന്നിങ്ങനെ മൂന്ന് പ്രധാന ഇവന്റുകളാണ് ഈ വര്‍ഷത്തെ പ്രദര്‍ശനത്തിലുള്ളത്.
