Breaking News
ഖത്തറില് 50 പുതിയ ഹോട്ടലുകള് ലോകകപ്പിന് മുമ്പായി പ്രവര്ത്തനമാരംഭിക്കും
അമാനുല്ല വടക്കാങ്ങര
ദോഹ. ഫിഫ 2022 ലോകകപ്പ് ഖത്തറും ടൂറിസം വികസനവും കണക്കിലെടുത്ത് ഖത്തറില് പുതിയ 50 ഹോട്ടലുകള് അടുത്ത മാസങ്ങളില് പ്രവര്ത്തനമാരംഭിക്കും. ടൂറിസം രംഗത്ത് വമ്പിച്ച പുരോഗതിയാണ് ഖത്തര് കൈവരിക്കുന്നതെന്നും ലോകകപ്പിന് ശേഷം ടൂറിസം രംഗത്ത് കൂടുതല് വളര്ച്ചയുണ്ടാകുമെന്നാണ് പ്രതീക്ഷയെന്നും ഖത്തര് ടൂറിസം വ്യക്തമാക്കി.
ഖത്തര് ഹോട്ടലുകളിലെ താമസ നിരക്ക് ഏകദേശം കോവിഡിന് മുമ്പത്തെ അവസ്ഥയിലേക്ക് ഉയര്ന്നിട്ടുണ്ട്. 2022 ന്റെ ആദ്യ പകുതിയില് 31 ലക്ഷത്തോളം ഹോട്ടല് മുറികളാണ് വില്പന നടന്നത്. കോവിഡിന് മുമ്പ് 2019 ആദ്യ പകുതിയില് ഇത് 32 ലക്ഷമായിരുന്നു.
