ഖ്വിഫ് സൂപ്പര്‍ കപ്പ് : കെ.എം.സി.സി കോഴിക്കോടിനും യുനൈറ്റഡ് എറണാകുളത്തിനും ജയം
ദോഹ. വെസ്റ്റേണ്‍ യൂണിയന്‍ സിറ്റി എക്‌സ്‌ചേഞ്ച് ട്രോഫിക്കുവേണ്ടിയുളള മീഡിയ വണ്‍ ഖ്വിഫ് സൂപ്പര്‍ കപ്പില്‍ ഇന്നലെ നടന്ന മല്‍സരങ്ങളില്‍ കെ.എം.സി.സി കോഴിക്കോടിനും യുനൈറ്റഡ് എറണാകുളത്തിനും ജയം . വയനാട് കൂട്ടത്തെ എതിരില്ലാത്ത മൂന്ന് ഗോളുകള്‍ക്ക് പരാജയപ്പെടുത്തിയാണ് കെ.എം.സി.സി കോഴിക്കോട് വിജയിച്ചത്.
ആദ്യ കളിയില്‍ കോഴിക്കോടിന് വേണ്ടി പന്ത്രണ്ടാം നമ്പര്‍ താരം ആഷിഫ് കളിയുടെ ഇരുപത്തിയാറാം മിനിറ്റിലും എട്ടാം നമ്പര്‍ താരം ഫൈസല്‍ കളിയുടെ മുപ്പതാം മിനിറ്റിലും ഒമ്പതാം നമ്പര്‍ താരം നാദിന്‍ കളിയുടെ നാല്‍പത്തിമൂന്നാം മിനിറ്റിലുമാണ് ഗോളുകള്‍ നേടിയത്.
രണ്ടാം കളിയില്‍ ഒന്നിനെതിരെ മൂന്ന് ഗോളുകള്‍ക്ക് ഫോട് തൃശൂരിനെ തകര്‍ത്താണ് യുനൈറ്റഡ് എറണാകുളം വിജയിച്ചത്.
എറണാകുളത്തിന് വേണ്ടി മുപ്പത്തിമൂന്നാം നമ്പര്‍ താരം ഹുസൈന്‍ അബ്ദുറഹിമാന്‍ കളിയുടെ പത്താം മിനിറ്റിലും പത്താം നമ്പര്‍ താരം ഉമര്‍ ഉസ് മാന്‍ കളിയുടെ അറപത്തിമൂന്നാം മിനിറ്റിലും ഇരുപത്തിയൊന്നാം നമ്പര്‍ താരം ആകാശ് കളിയുടെ നാല്‍പത്തിയൊന്നാം മിനിറ്റിലും ഗോളുകള്‍ നേടിയപ്പോള്‍ ഫോട് തൃശൂരിന് വേണ്ടി പത്താം നമ്പര്‍ താരം അലോഷ്യസ് കളിയുടെ നാല്‍പത്തിയൊന്നാം മിനിറ്റില്‍ ഗോള്‍ നേടി.
