ഖത്തറില്‍ കോവിഡ് രോഗികള്‍ കൂടുന്നു, ജാഗ്രത വേണം

ഡോ. അമാനുല്ല വടക്കാങ്ങരDecember 29, 2020

1,749 1,050 Less than a minute

ഡോ. അമാനുല്ല വടക്കാങ്ങര

ദോഹ. ഖത്തറില്‍ കോവിഡ് രോഗികള്‍ കൂടുന്നു, ജാഗ്രത വേണം . രാജ്യത്ത് വാക്‌സിന്‍ എത്തുകയും കോവിഡ് നിയന്ത്രണങ്ങളില്‍ ഇളവ് ലഭിക്കുകയും ചെയ്തതോടെ പൊതുജനങ്ങളുടെ ജാഗ്രത കുറഞ്ഞതിനെ തുടര്‍ന്ന് ഖത്തറില്‍ കോവിഡ് രോഗികള്‍ കൂടുന്നതായി റിപ്പോര്‍ട്ട് .

ഖത്തറില്‍ കഴിഞ്ഞ 24 മണിക്കൂറില്‍ നടത്തിയ 9292 പരിശോധനയില്‍ 54 യാത്രക്കാരടക്കം 206 1 പേര്‍ക്കാണ് കോവിഡ് സ്ഥിരീകരിച്ചത്. 132 പേര്‍ക്ക് മാത്രമേ രോഗ മുക്തി റിപ്പോര്‍ട്ട് ചെയ്തുള്ളൂ. ഇതോടെ ചികില്‍സയിലുള്ള മൊത്തം രോഗികളുടെ എണ്ണം 2036 ആയി ഉയര്‍ന്നു.

ചികില്‍സയിലായിരുന്ന 43 കാരന്‍ മരിച്ചതോടെ രാജ്യത്തെ മൊത്തം കോവിഡ് മരണങ്ങള്‍ 245 ആയി .

ആശുപത്രിയില്‍ ചികില്‍സയിലുള്ളവരുടെ എണ്ണം 265 ആയി. അതില്‍ 28 പേര്‍ തീവ്ര പരിചരണ വിഭാഗത്തിലാണ് .

കോവിഡിന്റെ തീവ്രതയെ രാജ്യം അതിജീവിച്ചെങ്കിലും കോവിഡ് പൂര്‍ണമായും നീങ്ങുന്നതുവരെ ജാഗ്രത തുടരണമെന്ന് അധികൃതര്‍ ആവശ്യപ്പെടുന്നു.
സാമൂഹിക അകലം പാലിക്കുക, മാസ്‌ക് ധരിക്കുക, ഇടക്കിടക്ക് കൈ കഴുകുക എന്നീ വിഷയങ്ങളില്‍ വീഴ്ചവരുത്തരുത്. ജാഗ്രതയോടെ നീങ്ങിയാല്‍ സ്ഥിതിഗതികള്‍ എത്രയും വേഗം സാധാരണനിലയിലെത്തുമെന്നാണ് പ്രതീക്ഷിക്കുന്നത്.

ഡോ. അമാനുല്ല വടക്കാങ്ങരDecember 29, 2020

1,749 1,050 Less than a minute