Archived Articles
അംറാസിന്റെ മൃതദേഹം നാട്ടിലെത്തി, ഖബറടക്കം അസര്‍ നമസ്‌കാരാനന്തരം താനൂരില്‍
ദോഹ. കഴിഞ്ഞ ദിവസം ഖത്തറിലെ ഹമദ് ജനറല്‍ ഹോസ്പിറ്റലില്‍ അന്തരിച്ച മലയാളി യുവാവ് അംറാസ് അബ്ദുള്ളയുടെ മൃതദേഹം നാട്ടിലെത്തി. ഇന്ന് പുലര്‍ച്ചെ രണ്ട് മണിക്ക് കൊച്ചിയിലേക്കുള്ള ഖത്തര്‍ എയര്‍വേയ്‌സ് വിമാനത്തിലാണ് മൃതദേഹം കൊണ്ടുപോയത്.
കൊച്ചിയില്‍ നിന്നും അംറാസിന്റെ ജന്മനാടായ മലപ്പുറം ജില്ലയിലെ താനൂരില്‍ മൃതദേഹം എത്തിയതായും അസര്‍ നമസ്‌കാരാനന്തരം ഖബറടക്കം നടക്കുമെന്നും ഖത്തര്‍ കെ.എം.സി.സി മയ്യത്ത് പരിപാലന കമ്മിറ്റി അറിയിച്ചു.
