ഇന്ത്യന്‍ റിപ്പബ്ലിക് ദിനാഘോഷം:മലര്‍വാടി കളറിംഗ് മത്സരം സംഘടിപ്പിച്ചു
മുഹമ്മദ് റഫീഖ് തങ്കയത്തില്‍
ദോഹ : ഇന്ത്യന്‍ റിപ്പബ്ലിക് ദിനാഘോഷങ്ങളുടെ ഭാഗമായി മലര്‍വാടി ബാലസംഘം – റയ്യാന്‍ സോണ്‍ 13 വയസ്സ് വരെയുള്ള കുട്ടികള്‍ക്ക് വേണ്ടി കളറിംഗ് മത്സരം സംഘടിപ്പിച്ചു.
കിഡ്‌സ്, ജൂനിയര്‍, സീനിയര്‍ വിഭാഗങ്ങളായി നിരവധി കുട്ടികള്‍ പങ്കെടുത്ത മത്സരത്തില്‍ കിഡ്‌സ് വിഭാഗത്തില്‍ സാറ, മിസ്ഹാബ്, അയ്മി എന്നിവര്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ കരസ്ഥമാക്കി.
ജൂനിയര്‍ വിഭാഗത്തില്‍ ആഫിയ, തമീമ തമിം, ഹംദാന്‍ റിയാസ്. സീനിയര്‍ : ഫാത്തിമ നൗറീന്‍, ഷാന്‍സ ശിഹാബ്, ഈഷല്‍ അബ്ദുല്‍ ഷുക്കൂര്‍ എന്നിവരും ആദ്യ മൂന്ന് സ്ഥാനങ്ങള്‍ കരസ്ഥമാക്കി.
വിജയികള്‍ക്ക് സെന്റര്‍ ഫോര്‍ ഇന്ത്യന്‍ കമ്മ്യൂണിറ്റി (സി.ഐ.സി) ജനറല്‍ സെക്രട്ടറി നൗഫല്‍ പാലേരി, സോണല്‍ പ്രസിഡന്റ് മുഹമ്മദ് അലി ശാന്തപുരം, സോണല്‍ സെക്രട്ടറി ഷിബിലി സിബ്ഗത്തുള്ള, വ്യുമണ്‍ ഇന്ത്യ സോണല്‍ വൈസ് പ്രസിഡന്റ് സജ്ന കരുവാട്ടില്‍, എന്നിവര്‍ സമ്മാനങ്ങള്‍ വിതരണം ചെയ്തു.
മലര്‍വാടി ഭാരവാഹികളായ, അബ്ദുല്‍ ജലീല്‍ എം. എം, റഷീദ, ഫസീല, ബിന്‍സു, ഷിറിന്‍, സലീന, ഷഫ്ന വഹദ്, സൈനബ ജലീല്‍ , ഫഹദ് ഇ.കെ, സക്കീര്‍ ഹുസൈന്‍, സിദ്ദിഖ് വേങ്ങര എന്നിവര്‍ പരിപാടികള്‍ നിയന്ത്രിച്ചു.