Uncategorized
എ എഫ് സി ചാമ്പ്യന്‍സ് ലീഗ് മത്സരത്തിനായി സൗദ്യയുടെ അല്‍ നാസര്‍ ടീം ദോഹയിലെത്തി, ടീം ക്യാപ്റ്റന്‍ ക്രിസ്റ്റ്യാനോ റൊണാള്‍ഡോ കളിച്ചേക്കില്ല
അമാനുല്ല വടക്കാങ്ങര
ദോഹ: ഖലീഫ സ്റ്റേഡിയത്തില്‍ നാളെ നടക്കാനാരിക്കുന്ന എ എഫ് സി ചാമ്പ്യന്‍സ് ലീഗ് മത്സരത്തിന് മുന്നോടിയായി സൗദി അറേബ്യയുടെ അല്‍ നാസര്‍ ടീം ദോഹയിലെത്തി. എന്നാല്‍ സോഷ്യല്‍ മീഡിയയില്‍ ടീം പങ്കുവെച്ച ഫോട്ടോകളിലൊന്നും ടീം ക്യാപ്റ്റന്‍ ക്രിസ്റ്റ്യാനോ റൊണാള്‍ഡോ ഇല്ലാതിരുന്നത് ആരാധകരെ നിരാശരാക്കി. അതിനിടെ അല്‍-നാസര്‍ ടീം പരിശീലകനായ ലൂയിസ് കാസ്ട്രോ, ക്രിസ്റ്റ്യാനോ റൊണാള്‍ഡോയ്ക്ക് നാളത്തെ അല്‍-ദുഹൈല്‍ മത്സരത്തില്‍ നിന്ന് വിശ്രമം നല്‍കാനാണ് തീരുമാനിച്ചതെന്ന് അല്‍ കാസ് ടിവി അതിന്റെ ഉറവിടങ്ങളെ ഉദ്ധരിച്ച് പറഞ്ഞു.
