യു.എ.ഇ പ്രസിഡണ്ട് ഖത്തറില്
ദോഹ.ഖത്തറിലെത്തിയ യുണൈറ്റഡ് അറബ് എമിറേറ്റ്സ് പ്രസിഡന്റ് ഷെയ്ഖ് മുഹമ്മദ് ബിന് സായിദ് അല് നഹ്യാനെയും സംഘത്തെയും ഖത്തര് അമീര് ഷെയ്ഖ് തമീം ബിന് ഹമദ് അല് താനിയുടെ നേതൃത്വത്തില് വരവേറ്റു. അമീറിന്റെ വ്യക്തിഗത പ്രതിനിധി ഷെയ്ഖ് ജാസിം ബിന് ഹമദ് അല് താനി, പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന് അബ്ദുള്റഹ്മാന് ബിന് ജാസിം അല് താനി, ഉപപ്രധാനമന്ത്രിയും പ്രതിരോധ സഹമന്ത്രിയുമായ ഷെയ്ഖ് സൗദ് ബിന് അബ്ദുള്റഹ്മാന് ബിന് ഹസ്സന് അല് താനി, ആഭ്യന്തര മന്ത്രിയും ആഭ്യന്തര സുരക്ഷാ സേനയുടെ (ലെഖ്വിയ) കമാന്ഡറുമായ ഷെയ്ഖ് ഖലീഫ ബിന് ഹമദ് ബിന് ഖലീഫ അല് താനി, അമീരി ദിവാന് മേധാവി അബ്ദുല്ല ബിന് മുഹമ്മദ് അല് ഖുലൈഫി, നിരവധി മുതിര്ന്ന ഉദ്യോഗസ്ഥര് എന്നിവരും പങ്കെടുത്തു.
ദുബായ് കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയുമായ ഷെയ്ഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂമും ഔദ്യോഗിക പ്രതിനിധി സംഘത്തിലെ നിരവധി മന്ത്രിമാരും യുഎഇ പ്രസിഡന്റിനൊപ്പം ഉണ്ടായിരുന്നു.
ഖത്തര് അമീറും യു.എ.ഇ പ്രസിഡണ്ടും അമീരീ ദീവാനില് ചര്ച്ച നടത്തി.
