വേനല് കനക്കുന്നു, സുരക്ഷാ മുന്കരുതലുകള് സ്വീകരിക്കാനാഹ്വാനം ചെയ്ത് പൊതുജനാരോഗ്യ മന്ത്രാലയം
അമാനുല്ല വടക്കാങ്ങര
ദോഹ: വേനല്ക്കാലത്ത് ആളുകളെ സുരക്ഷിതരാക്കുന്നതിനും ചൂടുമായി ബന്ധപ്പെട്ട അസുഖങ്ങള് തടയുന്നതിനുമായി അധികാരികള് നടത്തുന്ന നിരവധി സംരംഭങ്ങളുടെ ഭാഗമായി, തൊഴില് മന്ത്രാലയവുമായി ചേര്ന്ന് പൊതുജനാരോഗ്യ മന്ത്രാലയം നിരവധി സുരക്ഷാ നടപടികളും മുന്കരുതലുകളും പുറപ്പെടുവിച്ചു.
വേനല്ക്കാലത്ത് താപനിലയും ഈര്പ്പവും വര്ദ്ധിക്കുന്നതിനാല്, ജോലിസ്ഥലത്തെ ചൂട് രോഗം തടയുന്നതിന് പൊതുജനാരോഗ്യ മന്ത്രാലയം നിരവധി നടപടികള് എടുത്തിട്ടുണ്ട്. ജോലിസ്ഥലത്തും വീടിനകത്തും ചൂടിന് എക്സ്പോഷര് ചെയ്യുന്നത് അപകടകരമാകാമെന്നതിനാല് ജാഗ്രത പാലിക്കണമെന്ന് മന്ത്രാലയം അതിന്റെ സോഷ്യല് മീഡിയ അക്കൗണ്ടുകളിലൂടെ ജനങ്ങളോട് അഭ്യര്ത്ഥിച്ചു. പുതിയതും മടങ്ങിവരുന്നതുമായ തൊഴിലാളികള് അനുയോജ്യമായ ഇടവേളകള് എടുത്തും ആവശ്യമായ നടപടികള് സ്വീകരിച്ചും ചൂട
ില് നിന്നും രക്ഷ നേടണം. ആദ്യ ദിവസം, ചൂടില് പൂര്ണ്ണ തീവ്രതയില് ഷിഫ്റ്റിന്റെ ദൈര്ഘ്യത്തിന്റെ 20% ല് കൂടുതല് പ്രവര്ത്തിക്കരുത്. ക്രമേണ ദൈര്ഘ്യം വര്ദ്ധിപ്പിക്കാം.
ചൂട് കാലത്തെ പ്രഥമ ശുശ്രൂഷാ നടപടികളും മെഡിക്കല് അടിയന്തരാവസ്ഥയുടെ സൂചനകളും മന്ത്രാലയം പങ്കിട്ടു. അടിയന്തിര സാഹചര്യങ്ങളില്, ആളുകള് ഉടന് തന്നെ 999 എന്ന നമ്പറില് വിളിക്കണമെന്നും വെള്ളമോ ഐസോ ഉപയോഗിച്ച് തൊഴിലാളിയെ ഉടന് തണുപ്പിക്കണമെന്നും സഹായം എത്തുന്നത് വരെ തൊഴിലാളിയുടെ കൂടെ നില്ക്കണമെന്നും അതില് പറയുന്നു.
