ഡോ. അമാനുല്ല വടക്കാങ്ങര

ദോഹ: 2022 ല്‍ അറബ് ലോകത്ത് ആദ്യമായി ഖത്തറില്‍ നടക്കാനിരിക്കുന്ന ഫിഫ ലോകകപ്പ് ഖത്തര്‍ 2022 ന്റെ ഭാഗ്യചിഹ്നം 2021 ഫെബ്രുവരിയില്‍ പുറത്തുറക്കിയേക്കും. ഖത്തര്‍ഡ നാഷണല്‍ ടൂറിസം കൗണ്‌സിലിന്റെ ഖത്തര്‍ കലണ്ടര്‍ 2021 അനുസരിച്ച് 2021 ഫെബ്രുവരിയില്‍ മാസ്‌കോട്ട് വിക്ഷേപണം നടക്കും. പെനിന്‍സുല ഓണ്‍ലൈനാണ് ഇത് സംബന്ധിച്ച സൂചനകള്‍ നല്‍കിയത്.

2022 ലെ ലോകകപ്പ് കൗണ്ട്ഡൗണ്‍ നവംബറില്‍ നടക്കുമെന്നും അതില്‍ പറയുന്നു.

ലോകകപ്പിനുള്ള റാസ് അബു അബൂദ് സ്റ്റേഡിയം, അല്‍ തുമാമ സ്റ്റേഡിയങ്ങള്‍ 2021 മെയ് മാസത്തില്‍ അമീര്‍ കപ്പിനൊപ്പം ഉദ്ഘാടനം ചെയ്യപ്പെടുമെന്നും കലണ്ടറില്‍ വ്യക്തമാക്കുന്നു.

ഖത്തര്‍ 2022 ലോകകപ്പ് ഫൈനലിന് ആതിഥേയത്വം വഹിക്കുന്ന 80,000 ശേഷിയുള്ള ലുസൈല്‍ സ്റ്റേഡിയം 2021 ഡിസംബറില്‍ സജ്ജമാകുമെന്നാണ് റിപ്പോര്‍ട്ടിലുള്ള മറ്റൊരു വിവരം .