ഫഹസ് കേന്ദ്രങ്ങളുടെ പ്രവര്‍ത്തന സമയം പുനക്രമീകരിച്ച് വുഖൂദ്

ഡോ. അമാനുല്ല വടക്കാങ്ങര

ദോഹ. ഖത്തറില്‍ വാഹനങ്ങളുടെ പെര്‍മിറ്റ് പുതുക്കുന്നതിന് നിര്‍ബന്ധമായ സാങ്കേതിക പരിശോധന നടത്തുന്ന ഫഹസ് കേന്ദ്രങ്ങളുടെ പ്രവര്‍ത്തന സമയം പുനക്രമീകരിച്ച് വുഖൂദ് .

ഓക്ടോബര്‍ 3 ഞായറാഴ്ച മുതല്‍ മിസൈമീര്‍ ഒഴികെയുള്ള എല്ലാ കേന്ദ്രങ്ങളും രാവിലെ 6 മണി മുതല്‍ വൈകുന്നേരം 6 മണി വരെയാണ് പ്രവര്‍ത്തിക്കുക. വൈകുന്നേരം 5.45 ന് അകത്തേക്കുള്ള പ്രവേശന കവാടമടക്കും.

എന്നാല്‍ മിസൈമീര്‍ കേന്ദ്രം രാവിലെ 6 മണിമുതല്‍ അര്‍ദ്ധരാത്രി 12 മണിവരെ പ്രവര്‍ത്തിക്കും. രാത്രി 11.30 ന് അകത്തേക്കുള്ള പ്രവേശന കവാടമടക്കും.