ഖത്തറില്‍ ചരിത്രം രചിച്ച് ഫുട്ബോള് മാന്ത്രികന്‍ ലയണല്‍ മെസ്സി
അമാനുല്ല വടക്കാങ്ങര
ദോഹ. ഖത്തറില്‍ ചരിത്രം രചിച്ച് ഫുട്ബോള് മാന്ത്രികന്‍ ലയണല്‍ മെസ്സി . 2006 ല്‍ ജര്‍മനിയില്‍ നടന്ന ലോകകപ്പില്‍ തന്റെ പത്തൊമ്പാം വയസ്സില്‍ സെര്‍ബിയക്കെതിരെ ഗോള്‍ നേടി ,ലോകകപ്പില്‍ ഗോള്‍ നേടുന്ന അര്‍ജന്റീനയുടെ ഏറ്റവും പ്രായം കുറഞ്ഞ കളിക്കാരന്‍ എന്ന ചരിത്രം രചിച്ച മെസ്സി ഇന്നലെ ഖത്തറില്‍ ഓസ്‌ട്രേലിയക്കെതിരെ നടന്ന മല്‍സരത്തില്‍ , തന്റെ പ്രൊഫഷണല്‍ കരിയറിലെ ആയിരാമത്തെ മല്‍സരത്തില്‍ ഗോള്‍ നേടി ഇതിഹാസതാരം മറഡോണയുടെ ലോകകപ്പ് ഗോള്‍നേട്ടത്തെ മറികടന്നാണ് മെസ്സി ചരിത്രം രചിച്ചത്.
ലോകകപ്പിലെ മെസ്സിയുടെ ഒമ്പതാമത്തെ ഗോളാണ് ഓസ്ട്രെലിയക്കെതിരെ ഇന്നലെ നേടിയത്. ഇതോടെ മറഡോണയുടെ ലോകകപ്പ് ഗോള്‍നേട്ടത്തെ 35 കാരനായ മെസ്സി മറികടന്നു. ലോകകപ്പ് നോക്കൗട്ട് സ്റ്റേജിലെ മെസ്സിയുടെ ആദ്യ ഗോള്‍ എന്നതും ഇന്നലത്തെ ഗോളിന്റെ പ്രത്യേകതയാണ്. ലോകകപ്പില്‍ നിന്നും വിരമിക്കാനൊരുങ്ങുമ്പോഴും കളിയിലെ തന്റെ മാന്ത്രിക സ്പര്‍ശം അടയാളപ്പെടുത്തിയാണ് മെസ്സി ആരാധകരുടെ ഹൃദയങ്ങളില്‍ ജീവിക്കുന്നത്.
