Breaking News
ഭക്ഷ്യ സ്ഥാപനങ്ങള്ക്ക് ഭക്ഷ്യ സുരക്ഷാ റേറ്റിംഗ് പ്രോഗ്രാമിന്റെ മൂന്നാം ഘട്ടം ആരംഭിച്ച് പൊതുജനാരോഗ്യ മന്ത്രാലയം
ദോഹ. രാജ്യത്തെ ഭക്ഷ്യ സ്ഥാപനങ്ങള്ക്കായുള്ള ഭക്ഷ്യ സുരക്ഷാ റേറ്റിംഗ് പ്രോഗ്രാമിന്റെ മൂന്നാം ഘട്ടം പൊതുജനാരോഗ്യ മന്ത്രാലയം ആരംഭിച്ചു. വിവിധ ഭക്ഷ്യ സ്ഥാപനങ്ങളിലുടനീളം ഭക്ഷ്യ സുരക്ഷാ ആവശ്യകതകള് പാലിക്കുന്നത് വര്ദ്ധിപ്പിക്കുക എന്നതാണ് ഈ പരിപാടിയുടെ ലക്ഷ്യം. പതിവ് പരിശോധന ഫലങ്ങളെ അടിസ്ഥാനമാക്കി, സ്ഥാപനങ്ങള് ആരോഗ്യ ചട്ടങ്ങള് എത്രത്തോളം പാലിക്കുന്നുണ്ടെന്ന് തിരിച്ചറിയാന് ഇത് ഉപഭോക്താക്കളെ പ്രാപ്തമാക്കുന്നു.
ഈ മൂന്നാം ഘട്ടത്തില്, ഖത്തറിലെ ഉപഭോക്താക്കള്ക്ക് നേരിട്ട് ഭക്ഷ്യ സേവനങ്ങള് നല്കുന്ന എല്ലാ ഭക്ഷ്യ സ്ഥാപനങ്ങളും ഇതില് ഉള്പ്പെടും. പരിപാടിയുടെ ഒന്നും രണ്ടും ഘട്ടങ്ങളില് ഹോട്ടലുകള്, ടൂറിസം മേഖലയിലെ റെസ്റ്റോറന്റുകള്, ഷോപ്പിംഗ് മാളുകള്ക്കുള്ളിലെ റെസ്റ്റോറന്റുകള് എന്നിവയാണ് ഉള്പ്പെടുത്തിയിരുന്നത്.
