ഖത്തറില് ഇന്ന് മൂന്ന് കോവിഡ് മരണം, 172 പുതിയ കേസുകള്
ഡോ. അമാനുല്ല വടക്കാങ്ങര
ദോഹ : ഖത്തറില് ഇന്ന് മൂന്ന് കോവിഡ് മരണം, 172 പുതിയ കേസുകള്. കഴിഞ്ഞ 24 മണിക്കൂറിനുള്ളില് നടന്ന 13218 പരിശോധനകളില് 69 യാത്രക്കാര്ക്കടകം 172 പേര്ക്കാണ് രോഗം സ്ഥിരീകരിച്ചത്. 103 പേര്ക്ക് മാത്രമാണ് സാമൂഹ്യ വ്യാപനത്തിലൂടെ രോഗം സ്ഥിരീകരിച്ചത് എന്നത് ഏറെ ആശ്വാസം പകരുന്ന വാര്ത്തയാണ്.
ചികിത്സയിലായിരുന്ന 54, 64, 81 വയസ്സ് പ്രായമുള്ള മൂന്ന് പേര് മരണത്തിന് കീഴടങ്ങിയതോടെ മൊത്തം മരണ സംഖ്യ 569 ആയി.
344 പേര്ക്കാണ് ഇന്ന് രോഗമുക്തി റിപ്പോര്ട്ട് ചെയ്തത്. ഇതോടെ ചികില്സയിലുള്ള മൊത്തം രോഗികള് 2764 ആയി
കഴിഞ്ഞ 24 മണിക്കൂറിനുള്ളില് 8 പേര് ആശുപത്രിയില് പ്രവേശിപ്പിക്കപ്പെട്ടതോടെ ആശുപത്രികളില് ചികില്സയിലുള്ളവരുടെ എണ്ണം 188 ആയി. 4 പേരാണ് കഴിഞ്ഞ 24 മണിക്കൂറിനുള്ളില് അത്യാഹിത വിഭാഗത്തില് പ്രവേശിപ്പിക്കപ്പെട്ടത്. മൊത്തം 105 പേരാണ് ഇപ്പോള് തീവ്ര പരിചരണ വിഭാഗത്തിലുള്ളത്.
