എ എഫ് സി ഏഷ്യന്‍ കപ്പ് ഖത്തര്‍ 2023 ഖത്തര്‍ ആഘോഷ പര്യടനം ഇന്ന് മുതല്‍ ഡിസംബര്‍ 31 വരെ
അമാനുല്ല വടക്കാങ്ങര
ദോഹ: എ എഫ് സി ഏഷ്യന്‍ കപ്പ് 2023 ന് വിസിലുയരുവാന്‍ ഒരു മാസത്തില്‍ താഴെ മാത്രം ദിവസങ്ങള്‍ ശേഷിക്കെ ഖത്തര്‍, സൗദി അറേബ്യ, യുണൈറ്റഡ് അറബ് എമിറേറ്റ്‌സ് എന്നിവിടങ്ങളില്‍ ആഘോഷ പര്യടനവുമായി സംഘാടകര്‍. ഇന്ന് മുതല്‍ ഡിസംബര്‍ 31 വരെയാകും പര്യടനം.
ആഘോഷ പര്യടനത്തിന്റെ ഭാഗമായി, തെരഞ്ഞെടുക്കപ്പെടുന്ന സ്ഥലങ്ങളില്‍ ഒരു സമര്‍പ്പിത ബൂത്ത് സജ്ജീകരിക്കും, ഇത് വരാനിരിക്കുന്ന ടൂര്‍ണമെന്റിനെക്കുറിച്ച് കൂടുതലറിയാനും എ എഫ് സി ഏഷ്യന്‍ കപ്പ് ട്രോഫിയും ഔദ്യോഗിക ചിഹ്നവുമായി ഫോട്ടോകള്‍ എടുക്കാനും ആരാധകരെ അനുവദിക്കുന്നു.
ഖത്തറില്‍ മാള്‍ ഓഫ് ഖത്തര്‍, ദോഹയിലെ സിറ്റി സെന്റര്‍ മാള്‍ എന്നിവിടങ്ങളിലാണ് ബൂത്തുണ്ടാവുക.
സൗദി അറേബ്യയില്‍ ബോളിവാര്‍ഡ് റിയാദ് സിറ്റി, മാള്‍ ഓഫ് ദഹ്റാന്‍ യു.എ.ഇ ഗ്ലോബല്‍ വില്ലേജ് ദുബായ്, അബുദാബിയിലെ റീം മാള്‍ എന്നിവിടങ്ങളില്‍ ബൂത്തുകളുണ്ടാകും.
10 ദിവസത്തെ കാമ്പെയ്നിനിടെ, ടൂര്‍ണമെന്റിന്റെ ഔദ്യോഗിക ചിഹ്ന കുടുംബത്തിലെ അംഗങ്ങള്‍ – Saboog, Tmbki, Freha, Zkriti, Traeneh എന്നിവയോടൊപ്പം
രസകരമായ ഫോട്ടോ അവസരങ്ങള്‍ ഉള്‍പ്പെടെ ആരാധകരുമായി ഒരു മീറ്റ് ആന്‍ഡ് ഗ്രീറ്റ് സെഷനും ലഭ്യമാകും.
